Zôo 5:5 - Yálá laawoo hɛɓɛ (dc)

⁵ Yaai tii, ɉɛn ə ɉɔlɔɓo, ə lɛɛ a nuąi pulu kaa diɛ di kɔ̨nɔ̨n! Bələi mąn ɲąąlən gala tinɛ̨n ŋąą la gwɛlin ma, nuą di ɉəɠə. Pulu koloon ma nuą di gwɛli ɉəɠə.»

Yálá laawoo hɛɓɛ

⁵ Yaai tii, ɉɛn ə ɉɔlɔɓo, ə lɛɛ a nuąi pulu kaa diɛ di kɔ̨nɔ̨n! Bələi mąn ɲąąlən gala tinɛ̨n ŋąą la gwɛlin ma, nuą di ɉəɠə. Pulu koloon ma nuą di gwɛli ɉəɠə.»

Bible

⁵ Diai puru káa dîai da pâi m̀oo-ƃelai dímii-sãai kélee miî, é máŋ kɛ́ a nyii-ŋai ŋ̀alêŋ-kpɔlɔi sui. Mii-sɛŋ wɛli-ƃela da pâi tɔɔ̂i dîa dígɔ̃liŋ mɛni ma.

Zôo 5:5 Referans Kwoze

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Zôo 20:15

Ɉɛn gɔwi tii ə gbələ a wea, ya ka ti a maɠi, Yálá kaa pai gulɔi gwəi.

Zôo 12:6

Nu paa nuą di wɔ pɛ́lɛ́i kaa liilaa hu. Nuąi da Yálá lii kələn gwəi, di ɓo liilaa hu. Diɛi di wɔ Yálá lɔ ɓaa di hvaŋą.

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Zôo 1:15

Saba nuą di pa di too di mɛ̨i di di həɠə, di ə́ wɔ tínuąi kəlee paa, ɲą́ą́ dɔ̨nɔ̨ lɔ ɓə kulɔ gɛ́ pa nwɛlɛɛ ɓoi yɛ́.»

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Nwun mąąɓo 6:11

Yai-Laa nwɔ malaka ə pa, Ofra daai, ə hee wulu kɛnɛ̨ ta mu, yai kɛ a Yoasə nwɔɔ. Yoasə ə kɛ a Aviɛzɛrə yəi bɛlɛ́n mun da. Yoasə lon Zedeɔn, ə kɛi nwɔ mɔ̨nun dan, ɓɛi ŋɛ̨i da viɲə yá kulɔ laa, ə gɛ, Madian nuą di hvo pa gaa.

Dutɛrɔnome 28:51

Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Zôo 20:22

Ɓɛlɔwai kpɔlɔ gaa pai kɛi la nɛɛ hu, nąąlɔwai ɓə mąąwɛli mɛ̨nį a həli la ma, mąąwɛli nuąi kpɔ ə di mɔ̨nɔ̨ ɓo, gəlee da wiɛ ma nąąlɔwai.

Zôo 22:10

Yili mąą mɛ̨nį ɓə ə́ mąą tinɛ̨n ŋąą la, Mąą ɲɔw mɛ̨nį yɛ wolo yɛ́ ə́ tɛɠii.

Mąątɛ̨nɛ̨ 109:11

Nui kwələ tɔɔ mą, mąą nu ə ɲəi hɛnŋąą kəlee kulɔ ɲəi, nwɛ̨ąą di too ɉɔlɔɓo hɛn ɉu.