Zôo 42:2 - Yálá laawoo hɛɓɛ (dc)

² Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Yálá laawoo hɛɓɛ

² Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Bible

² “Ŋá gɔ́lɔŋ a gɛɛ ya pɔ̂ri mɛni sîi kélee kpɔ́ kɛ̂i. M̀ɛnii nyii kélee kpɔ́ gbɛtɛ̂i íkili-ŋai, ya pɔ̂ri gɛ̂i núu da fa pɔ̂ri íkperâi mà.

Zôo 42:2 Referans Kwoze

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Markə 10:27

Jesus ə ŋɛ̨i hee diɛ, yɛ diɛ: «Mɛ̨nį nu yee hva pɛli mą, Yálá a pɛli gɛi. Yálá a pɛli mɛ̨nį kəlee kɛi.»

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Zôo 23:13

Mɛ̨nįi a giliŋąhiɛ mą, gbɛɛ ɓə a ɉəɠə mą? A mɛ̨nį kəlee kɛ lɔ a niiɓa.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Azaya 43:13

A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Lukə 18:27

Jesus ə di woo pulu pənə yɛ diɛ: «Yii gɛ laa walaa nu kanŋaa yəi, gɛ laa hvo wala li Yálá yəi.»

Markə 14:36

Ə kɛi kɛ mą: «Éé Ną́n Yálá! Ə́ wɛi ə́ yee a pɛli mɛ̨nį kəlee ɓa, mɔ̨nɔ̨ kɛnɛ̨i ŋɛ̨i mąą kwɛa mą́ą́; kɛlaa, mɛ̨nį kəlee ə mą kɛ, və́ kɛ li ə́ nííɓa kɛ. Kɛlaa, ə́ liiɓa ɓə mąąnɛ̨ɛ̨ ə́ kɛ́.»

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Zôo 25:2

Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu.

Zôo 42:1

Nąąlɔwai, Ɉobə ə Yai-Laa woo ɲąąpənə, yɛ mą:

Mąątɛ̨nɛ̨ 135:6

Mɛ̨nįi lɔpee Yai-Laa kaa bɔ, a gɛ, lɔi mɛ̨i ɓɛ, ə mą kɛ yələ kɔ́lɔn ɉu, gboloyá hu, ə mą kɛ ɲąmuątaa.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»