Zôo 42:10 - Yálá laawoo hɛɓɛ (dc)

¹⁰ Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Yálá laawoo hɛɓɛ

¹⁰ Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Bible

¹⁰ Zôo kɛ́ɛ a kpɛɛ a Ɣâla fɛliɛɛ m̀arâai mɛ̂ni mai, Yâwɛɛ è nâa gɛ̀ a tɔɔ-nuu é ŋɔsãai kélee pɔɔ-ŋa tôo tɛɛ bɔ́ feerɛ-feerɛ.

Zôo 42:10 Referans Kwoze

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Mąątɛ̨nɛ̨ 14:7

Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨!

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Gɛlaɠaa 7:50

Kɛlɛi, ɲą́ą́ ɓə ɉɛnŋaa ti kəlee pɛli-ee?›

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Egaa 2:8

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: A tɛ̨ą, hɛni da walii gaa lɔi mɛ̨i, gəlee kaa kpɔ a nwɔ́ɔ́.

Dutɛrɔnome 9:20

Aarɔn yaa kpɛli mąn, Yai-Laa ə níiholi bɔ kpɔ kɛnɛ̨, yɛ kɛ kpɔ ə nwun na pili, ŋį́ Aarɔn mąąnɛ̨ɛ̨ mąą hvə nwɔ̨nɔ̨ Yai-Laa ɓa.

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Lonon mo 12:2

Diɛ kɛ mą: «A kɛ tii, Moisə yaa tɔ̨nɔ̨ lɔ ɓə Yai-Laa a pələ ɓo mą? Hva mɔ̨ɔ̨ pɛli pələ ɓoi kuɔ kpɛli kuɔ?» Yai-Laa ə di wooi tii mɛ̨n.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Kɔlɔnikɔ Veerɛi 25:9

Amasiasə yɛ Yálá nwɔ nui tii ɓa: «Akɛtii, nwali kwələ nwundɔ̨nɔ̨i ŋɛ̨i ŋį́ dɛɛ Israɛlə kɔlaɠai ɓai, ŋį́ yili kɛ ləi?» Yálá nwɔ nui yɛ mą: «Hɛn gaa Yai-Laa yəi yɛ dɛɛ ə́ pɔ, gɛnɛ̨ dɛɛ yili ɓa.»

Lukə 16:27

«Ɉɛn gɔw nąmui tii yɛ mą: ‹Ną́n, gáá nɛ̨ɛ̨mąą hvəə yɛ́, gɛ́, ə́ Lazarə tɔɔ, ə li ku yəi bɛlɛ́n.

Samuɛlə dɔlɔɔ 2:7

Yai-Laa ɓə a nu kɛ a yeehowolo mun, yɛ nu kɛ a hɛn gɔw nąmu. A nu nwun mąą yɛɛ, yɛ nwɔ̨nɔ̨ nu nwun muhəɠə.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Lonon mo 14:10

Israɛlə lonnii kəlee di bili gee mɛ̨i diɛ mą: ka gu Ɉosue da Kalɛbə di hɔɔ a kwɛni di haa. Di lɛɛ lɔ moi tii, Yai-Laa mąąɲįnɛ̨n ə gbɔwɔ lɛ Israɛlə lonnii kəlee diɛ gee kaa kələ mɛ̨i.

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Zôo 1:2

Ɉulɔnui ti lon ɉinąą di kɛ mɛ̨ihveelɛ, non nɛ̨ąą di ɓo haaɓa.

Zôo 42:9

Teman mun Elifazə, Sua mun Bildadə, da Naama mun Sofarə de li, nwooi Yai-Laa ə mo, di bɔ mɛ̨nį kɛ. Yai-Laa yaan ə Ɉobə woo mu hon a gwəinɛ̨ɛ̨.