Zôo 40:11 - Yálá laawoo hɛɓɛ (dc)

¹¹ Ə́ wɔ liiholi yɛɛ nuą mɛ̨i, ə́ ɲɛ̨i yalii ma tanɔ̨n, ə kpɔɔ ɲąąkɛnɛ̨ nuą mąą yɛɛ.

Yálá laawoo hɛɓɛ

¹¹ Ə́ wɔ liiholi yɛɛ nuą mɛ̨i, ə́ ɲɛ̨i yalii ma tanɔ̨n, ə kpɔɔ ɲąąkɛnɛ̨ nuą mąą yɛɛ.

Bible

¹¹ Ǹɛɛ ŋaŋ naa dí ílii ŋwânai kaa, í diai díŋɛi tɛ̂ɛi ŋá yéŋ.

Zôo 40:11 Referans Kwoze

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Mąątɛ̨nɛ̨ 144:6

Yələgbąnąą ɓɛla, ə́ di hu taɠa taɠa, ə́ wɔ tonwąɠaai pili, di di taɠa di kee ɓa.

Zôo 27:22

Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Zôo 20:23

Yálá a nwɔ liiholi muhəɠə mɛ̨i nąąlɔwai, níiholi ti ɓə pai kɛi a gɔ̨nɔ̨n, gaa pai pui mɛ̨i, yɛ kɛ a gɔ̨nɔ̨n.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Zôo 4:9

Yá gɛ ti, yáá Yálá nwɔ lii ɲąnwąną laai kwɛli. Ɉunwɛi hvaŋą a li a diɛ.

Zôo 21:30

Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.

Azaya 22:19

Gáá pai ə́ kpɛi ə́ wɔ kolói hu, ŋį́ ə́ tɔɔi kulɔi ə́ yəi.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 25:11

Gaa pai ɲee haŋąi, yɛ bələi yá-kɛlɛmun a ɲee haŋą la. Nwɔ ɲɛ̨i tɛi mąą kaa pai yɛɛi, da ɲee kɔ̨nwɔ̨n ɉu hvaŋą.

Azaya 26:5

Nuąi kɛ di ɓɛlaa nwun mɛ̨i, aa yiliɠaai nwun mąą yɛɛ, ɛlɛɛ, daai tii nu yee hvo kɛi pɛli mą, aa bu; aa bɛlɛ nɔi ɓa, munuun ɉu.

Ɉeremi 48:29

Kwaa Moabə nwɔ kpɔwɔɲąą kɛnɛ̨ mɛ̨nį bələ mɛ̨n kɛnɛ̨, ə kɛi nwun dɛ tai! Dɛɠɛɓo ɉuɔ, ɲɛ̨i piliɛ yələi, hvo kɛi nwumɛ̨ nu ta ɓa, ɉu mɛ̨nį kɛnɛ̨.

Danîa 4:24

Yili ɓə gaa mą, Oo tɔɔmun! Niɛwooi ŋɛ̨i gáá gɛi yɛ́, ya ɉon, mąąnɛ̨ɛ̨ ə́ kpəla nɛ̨ŋɛ̨n gɛɛ ɓa, ə́ mąąhvalin a tələnmolaa. Ə́ mɛ̨nį ɲɔ̨n mąąhvalin a nuą mąąwɛli kaa, ya yili kɛ tii, gbəli hu ə́ wɔ liilaa hu a kwɛa.»

Nahumə 1:8

Ə mą kɛ ya hvɛɛ kaa tɛɛi, a daa kɔ́wɔ hvilɛn ɉɛnŋąą kulɔ, yɛ ɲowoɠaa pili kpinį hu.

Zôo 9:5

Yaai a yeeɠaa həɠə di tɔɔi di tɛɠii, yɛ di kulɔ di pihɛi a líiholi.

Mąątɛ̨nɛ̨ 94:2

'Ə́ muhəɠə ə́ tɔɔ! Lɔi kiti tee mun! Ɉɛn kpɔwɔ ɲąąkɛnɛ̨ nuą di gwɛlii, 'dɛɛ di pɔ!