Zôo 39:16 - Yálá laawoo hɛɓɛ (dc)

¹⁶ Ɲɛ̨i walawalaa nonnii diɛ, yɛ da wala kɛ a nonnii, hva niihɛlɛn a di mąą mɛ̨nį, a lɛ̨ą diɛ.

Yálá laawoo hɛɓɛ

¹⁶ Ɲɛ̨i walawalaa nonnii diɛ, yɛ da wala kɛ a nonnii, hva niihɛlɛn a di mąą mɛ̨nį, a lɛ̨ą diɛ.

Bible

¹⁶ Vé kpaaŋ-ni ǹônii mɛni ma. A tûa nɔ́ a dia yɛ̂ɛ sɛŋ ƃé dífe a ǹônii. Ǹyaŋ vé kpaaŋ-ni m̀ɛni-solii è gàa dí maa mɛni mai ma.

Zôo 39:16 Referans Kwoze

Woolaa 4:3

Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Lomaŋ 1:31

Kiliŋąhiɛ hvo diɛ, di hva kulɔ di woo ɓa, yii da mo, di hva gɛ, di kili wala-walaa, ɛlɛɛ, di hva nu ta ɲɛ̨i mąą wɛli kaa.

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Ikilisiati 10:15

Kilikpɛɛgwəimun a gbɔwɔ hvįikpɛɛ mɛ̨nį logolo hu, bələi kɛa ə tɛɛ la, yɛ li taai, hvo bələ kɔ́lɔn.

Zôo 39:15

Hva giliŋąhiɛ yɛ kɛ diɛ nu ta a pɛli ə tɛ mɛ̨i, lɔwɔ huwɔ ta a pɛli ə nwolo.

Zôo 39:17

Yáá gaa ti, Yálá hvo kili tɛɛ li bɔ, ɛlɛɛ hvo kiliŋąhiɛ too li mą.