Zôo 38:4 - Yálá laawoo hɛɓɛ (dc)

⁴ Ə́ kɛ mįnɛ̨, ɓɛlɔwai ŋį́ kɛi lɔi kɔ́wɔ hvilɛn na? Ɉukulɔ mą́ą́, mąąhɔlɔɓo, yáá ə́ kpɔwɔ kɛ a mɛ̨nį kɔ́lɔnmun.

Yálá laawoo hɛɓɛ

⁴ Ə́ kɛ mįnɛ̨, ɓɛlɔwai ŋį́ kɛi lɔi kɔ́wɔ hvilɛn na? Ɉukulɔ mą́ą́, mąąhɔlɔɓo, yáá ə́ kpɔwɔ kɛ a mɛ̨nį kɔ́lɔnmun.

Bible

⁴ À kɛ̀ ya mɛni ŋá kàa kpɔ́ a ǹɛ́lɛɛ kɛ́ɛ ŋí, mí ƃé íkɛ̀ naa tãi ŋá kɛ̀ ŋ̀éniɛi ŋí kɔ́ɔ pîlanii lai?

Zôo 38:4 Referans Kwoze

Mąątɛ̨nɛ̨ 104:5

Ə lɔi kpalan naa kpɔ tin-tin, tumun və mą a yələi lɔpee ta.

Hebreu 1:10

Ɛlɛɛ nwɔ̨nɔ̨, yɛ mą: «Yɛ́ ɓə wɔlɔ, a gɔwɔ tɔɔ yələ, Ną́mu, ə́ yɛnɛ̨ɛ̨ kɔwɔ hvilɛn, ɛlɛɛ, yələ kwəi hɛnŋąa kəlee kaa a ə́ yee pɔɔ.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Mąątɛ̨nɛ̨ 102:25

Yili ɓə gɛ, gɛ́ kɛ mą: Nwɔ́ Yálá, ŋį́ kɛ Yɛ́: 'Hvó nwɔ́ yɛnɛ̨ɛ̨ lɛɛ ɉamąi, hvó ɉə́ɠə́!

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Hanwon 8:22

Ɲą́ą́ ɓə gbɛa kɛ Yai-Laa yəi mɛ̨nį kəlee tɔwɔ, ŋį́ kɛ laa gɛ koló pɔlɔ-pɔlɔɠaa kəlee tɔwɔ.

Zɛnɛse 2:4

Pələ ɓə Yálá ə yələkɔlɔn da lɔi di pɛli la. Ɲələi Yai-Laa ə yələkɔlɔn da lɔi di pɛli la tɔlɔɔ,

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Zôo 15:7

Ə́ kaa mɔ̨ɔ̨ a Adamə, yaai di gulɔ nu kəlee tɔwɔ? Di ə́ kaa mɔ̨ɔ̨ yeeɠaa tɔwɔ?

Zôo 34:13

Akɛti, nu takpɛli ɓə mɔ̨ɔ̨ lɔi tɛɛ bɔ? Akɛti, nu takpɛli ɓə mɔ̨ɔ̨ yɛnɛ̨ɛ̨ kəlee tɛɛ bɔ?

Azaya 40:14

Gbɛɛ ɓə ə nwun dɔɔ la, mąą nu yɛ giliŋąpɔ̨nɔ̨, yɛ tələnmo pələ lɛ mą, yɛ kili tɛɛ bɔ, yɛ mɛ̨nį kɔ́lɔn bələ lɛ mą?

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Zôo 28:25

Ɓɛlɔwai ə kɛi hvaŋą wiɛ yee kɔ́ɔn na, yɛ yaɠaa kpɛlai kɛ diɛ,

Mąątɛ̨nɛ̨ 102:26

Yɛ́ ɓə wɔlɔ lɔi kpalan naa, yələ kɔ́lɔn gaa a ə́ yəi pɔɔ.

Hanwon 3:19

Yai-Laa ə lɔi pɛli a kili, ə yələkɔlɔn bɛli a nwu gə ɉu laa.