Zôo 37:7 - Yálá laawoo hɛɓɛ (dc)

⁷ A nu yee kəlee kpəla ə dɔɔ tin, ə gɛ nu kəlee di nwɔ huwalawalalaa kɔ́lɔn.

Yálá laawoo hɛɓɛ

⁷ A nu yee kəlee kpəla ə dɔɔ tin, ə gɛ nu kəlee di nwɔ huwalawalalaa kɔ́lɔn.

Bible

⁷ Ɣâla a gɛ̀ ǹûai dítee dítii-ŋai kɛ́ɛ ma a gɛɛ dí ŋɔwála-wala-laai kɔ́lɔŋ.

Zôo 37:7 Referans Kwoze

Mąątɛ̨nɛ̨ 111:2

Yai-Laa kɛ mɛ̨nįɠaa ɲɛ̨i kɛnɛ̨ɛ̨ ɓə! Nuąi gɛ mɛ̨nįɠaa wɛli kaa diɛ, da ɲąą kaa.

Mąątɛ̨nɛ̨ 109:27

Əgɛ, di pɛli gbaɠala kaai, diɛ kɛ, yɛ́, ə́ yee kɛ mɛ̨nį li, da ə́ kɛ mɛ̨nį li, yɛ́i a Yai-Laa.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Ikilisiati 8:17

Ya ɓə ŋį́ Yálá kɛ mɛ̨nįɠaa kaa, gɛ́ diɛ: nu hva pɛli Yálá kɛ mɛ̨nįɠaa hukpɛi ɓɛ yələkɔlɔn mu; bələi mąn nu kanŋaa kaa tɔɔi la a di nwąnąi diɛ gwɛli. Ə mą kɛ, kilimąą mun a kɛ diɛ: «Ŋą́ gɔlɔn!» Hva pɛli Yálá kɛ mɛ̨nįɠaa pulu kaai.

Mąątɛ̨nɛ̨ 92:4

diɛ doo a wələ, bɛlɛgwəi, gwɛnįn, da kɛɛ di ɓo mu.

Mąątɛ̨nɛ̨ 64:9

Di nɛ̨n aa pɛ̨nɛ̨ aa kɔ́ pɛlɛ diɛ, nui lɔpee a di kaa, a nwun gbɛ̨ŋɛ̨n.

Mąątɛ̨nɛ̨ 46:8

Yai-Laa Mɛ̨nį Kəlee ŋą Hééɓomun gaa ku pɔ, ku mąąkpɛ taai gaa ku yəi, ya ɓaa Ɉakɔbə nwɔ Yálái.

Zôo 36:24

'Hvó lɛ̨ą gɛ mɛ̨nį kpɛa kpɛaɠaa hukulɔi, yai nuą da doo a wələ.

Zôo 12:14

Hɛn Yálá a gala, hva kɛa pənə hvo tɔɔ. Nui a gbulɔn, hva kɛa lɛɛ gbɔwɔ ɓa laa hɔlɔɓo.

Zôo 9:7

A hvaa mą hvóló hva muhəɠə, yɛ gɔlɔn ɉii kɛ pɛmɛ̨lɛ̨n gɔwɠaa diɛ.

Zôo 5:12

A gbáná nuą di wɔ kiliŋąhiɛ hukala, mɛ̨nįɠaai di gili tee di kwəi, gəlee hu a kala di yəi.