Bib sou entènèt

Zôo 37:23 - Yálá laawoo hɛɓɛ (dc)

²³ Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Gade chapit la Kopi

Yálá laawoo hɛɓɛ

²³ Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Gade chapit la Kopi

Bible

²³ Núu da fa Ŋ̀wála-wâla kélee Ɣâlai kâa. Ŋɔwála-wala-laai kɛ̂tɛi. Zɔŋ lɛ̂lɛɛi, deniŋ ƃôɔɔ, va núu fìli.

Gade chapit la Kopi

tounen moute ⬆

Zôo 37:23
38 Referans Kwoze

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Zôo 36:5

Ə́ kiliŋąhiɛ Yálá nwɔ kɛnɛ̨ laa ɓa, nwɛi hva kɛ diɛ, gáá yɛlɛ kulɔi ɉu, a gɛnɛ̨ pələ lɛ gɛ mɛ̨nįɠaa kəlee hu.

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Izikiɛ 18:32

Gwə́inɛ̨ɛ̨ mɛ̨nį hvaa nu ta haa mɛ̨nį, ɲą́ą́ Mɛ̨nį kəlee ŋą Hééɓomun Yálá, nwóó li. 'Ka pənə kani ka pa, kaa pɛli lɛɛi yɛnɛ̨ɛ̨.»

Izikiɛ 18:23

Mɛ̨nį kəlee ŋą Hééɓomun Yálá yɛ nwɔ̨nɔ̨ diɛ: Gaa ka kwəi nu ɲɔ̨nwɔ̨ɔ̨ haa mɛ̨nį kaa a gwə́nɛɛ mɛ̨nį? Kɛlaa yaamun bulu tɔɔ mɛ̨nį dúwɔ hɔnŋaa diɛ ɓə, əgɛ, ə lɛɛ yɛnɛ̨ɛ̨.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Zôo 11:7

Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Hebreu 12:10

Gu nąnnii tii di wɛi, di kɛli gu hutɔɔ a di wɔɔ mɛ̨nį hukpɛ kili, a di wɔɔ yələ; kɛlaa Yálá nwɛi, a gu hutɔɔ, gwa dɔlɔ hɔlɔɓo a nwɔ Yálá-laa.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Mąątɛ̨nɛ̨ 65:6

Yá ku woo mu hon, a mɛ̨nį ɲɛ̨i kɛnɛ̨ kpɛa-kpɛaɠaa, Yɛ́i a ku ɓalo Yálá; Liilaa yɛnɛ̨ɛ̨ ɓə lɔi kɔ́lɔ kəlee, ə həli kpɔ la kwɛaala gboloyáɠaa diɛ.

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Zôo 37:19

Yii mąąnɛ̨ɛ̨ gu mo Yálá ɓa, nɛ mą́ą́, gu kɛ mɛ̨nį kpinį hu, mąą hvo nɛ̨ɛ̨li, gu hvo kiti too na.

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Zôo 12:13

Kɛlaa, kili mɛ̨nį da mɛ̨nį kɔ́lɔn ŋąą di kaa a Yálá nwɔɔ. Liɛwoo da kili kɛ ɲəi di ɓo a nwɔɔ.

Zôo 9:19

ŋį́ pɛli mɔ̨ɔ̨ huwalawala laa kulɔi la? Gaa a Huwalawala Nąmu. Ŋą́ tələnmolaa hu hvɛli, gbɛɛ ɓə a dɛɛ bɔ́?

Zôo 8:3

Yálá a pɛli mą tɛ̨ą kpəlaan ɉii? Huwalawala Kəlee Nąmu a pɛli mɔ̨ɔ̨ tələnmolaa kpəlaan ɉii?

Zôo 11:8

Mąą kwɛa pələ kaa yɛ yələkɔlɔn, ə́ kaa pai gɛi ləi? Gbon ɉu kwɛai dɛɛ ɲąmuątaa ɓa, ya pɛli gɔlɔn bələ kɛi ləi?

Zôo 25:2

Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu.

Zôo 36:3

Gáá kpɔ nwɔ́ kili mɛ̨nį həɠəi kwɛa la, gɛ́ bɛ́li mun nwɔ tɛ̨ą lɛ.

Zôo 37:22

Kɛɛ pɔ̨nɔ̨ a həɠə ɲələi pələ, yɛ hɛni, yɛ gɛɛ pɔ̨nɔ̨i Yálá kwɛlɛ, yɛ nu mąą ɲɔwi.

Ikilisiati 7:24

Mɛ̨nįi gaa ju, ŋąą kɛnɛ̨ pələ, da gbon ɉu kwɛa pələ, gbɛɛ ɓə a pɛli gbaɠala kəlee kaai?

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Swiv nou:

Lyen patwone

Piblisite

Piblisite