Zôo 36:24 - Yálá laawoo hɛɓɛ (dc)

²⁴ 'Hvó lɛ̨ą gɛ mɛ̨nį kpɛa kpɛaɠaa hukulɔi, yai nuą da doo a wələ.

Yálá laawoo hɛɓɛ

²⁴ 'Hvó lɛ̨ą gɛ mɛ̨nį kpɛa kpɛaɠaa hukulɔi, yai nuą da doo a wələ.

Bible

²⁴ Ǹûai da laa maa-tɛ tɛ̀ɛ Ɣâla pɔ́ a tãi kélee. Ya máŋ ye ǹáa maa tɛ́ m̀ɛni-ŋai a gɛ̀ yɛ̂ɛi m̀ɛni ma.

Zôo 36:24 Referans Kwoze

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Lukə 1:46

Mari ə mo kɛa yɛ mą: «Gáá Ną́mu Yálá nwɔ kɛnɛ̨ laa mąątɛ̨nɛ̨i kpɔ kɛnɛ̨.»

Mąątɛ̨nɛ̨ 72:18

Mąąwiɛ ə kɛ Yai-Laa Israɛlə nwɔ Yálái ɓa; yaa tɔ̨nɔ̨ lɔ ɓə a kpalo mɛ̨nį kɛ.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Mąątɛ̨nɛ̨ 138:5

Di Yai-Laa túwɔ́ pələɠaa too a wələ, diɛ kɛ diɛ: «Yai-Laa nwɔ mąąwiɛ kɛnɛ̨i!

Mąątɛ̨nɛ̨ 111:8

Ə dɔnŋaa tii laa a yələ kəlee mɛ̨nį, di kaa a mɛ̨nį haŋąą da tɛ̨ąą.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Mąątɛ̨nɛ̨ 34:3

Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.

Mąątɛ̨nɛ̨ 28:5

Di hva di kiliŋąhiɛ Yai-Laa kɛ mɛ̨nįɠaa diɛ, ə mą kɛ, ɉɛnŋaai ə bɛli, di too, di hvo kɛa pənə hvo di muhəɠə.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Nwun mąąɓo 5:1

Mąą yələi tii Israɛlə lonnii di yeetɛɛmąą kɛ la, Debora da Avinoamə lon Barakə di nwələ ŋɛ̨i too; diɛ kɛ mą:

Kɔlɔnikɔ Maa-ŋuŋ 16:9

'Ka Naa too a wələ, 'ka mąątɛ̨nɛ̨ a hvɛli! 'Ka nwɔ kpalo mɛ̨nįɠaa kəlee hukulɔ!

Zôo 36:25

Yɛnɛ̨ɛ̨ nuą kəlee da gaa a di ɲɛ̨ikɔw, nu kanŋaa diɛ nɛɛ kwɛa la, diɛ mąąkpɛɛ.