Zôo 36:22 - Yálá laawoo hɛɓɛ (dc)

²² 'Ə́ ɲɛ̨i hee tai, Yálá yəi kɛnɛ̨i, gbɛɛ ɓə a pɛli nu mąą kwɛlii ə tɛɛ mą?

Yálá laawoo hɛɓɛ

²² 'Ə́ ɲɛ̨i hee tai, Yálá yəi kɛnɛ̨i, gbɛɛ ɓə a pɛli nu mąą kwɛlii ə tɛɛ mą?

Bible

²² Ye gáa berei Ɣâla ŋɔwála-wala-laai kɛ̂tɛi lai. Nya ƃe gáa a zɛŋ-lɛ nuu kɛ́tɛi.

Zôo 36:22 Referans Kwoze

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Lomaŋ 13:1

Mąąnɛ̨ɛ̨ nu kəlee di lɛɛ nwun nąmįną woo mu, mąąhɔlɔɓo, nwun nąmu ta hvo hee li Yálá tɛɠii. Nwun nąmįnąi di kaa yɛnɛ̨ɛ̨, Yálá ɓə gəlee hee.

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Ɉeremi 31:38

Yai-Laa yɛ diɛ: «Yələ ta kaa pai ɉəlii, di kaa pai taa tɔɔi a Yai-Laa nwɔɔ. Ə həɠə Hananeɛlə kwəlii ɉįi mɛ̨i pɛlɛ́ ɓa, ə həli la gbon tii bɛlɛ́ nwąną hveelɛi kee kaai, ɓa.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 14:5

Yai-Laa aa mɛ̨nį ɲɔ̨n gɛ nuą di wɔ gbɔn huyali, aa tɔɔɓɛlaa di wɔ nuą kɛlɛ gbɔn huyali,

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Mąątɛ̨nɛ̨ 94:10

Yai a lɔiɠaa hutɔɔ, hva pɛli mɔ̨ɔ̨ hutɔɔ kɛi? A Yai ti mɛ̨nį kɔ́lɔn gili tɛɛ nu pɔi!

Mąątɛ̨nɛ̨ 75:7

Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ.

Zôo 35:11

Yaai a gu kili tɛɛ huwɔɠaa di wɛi ɓa, yɛ nu kili tɛɛ yələi nwɛ̨nįɠaa diɛ?»

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Zôo 21:22

Yálá ɓə mɔ̨ɔ̨ di kaa pai mąą kwɛlii yɛnɛ̨ɛ̨ kili ɓa? Yaai a malakaɠaa ɲąąwooɓo?

Zôo 25:2

Yálá ɓə yeetɛɛmąą kaa ɲəi, da ɲɔw mąą laa. Ya ɓə a liilaa nwɔ yələkɔlɔn hu.

Zôo 33:12

Yili ɓa Ɉobə, ŋą́ kɛ yɛ́ tɛ̨ą hvo ə́ pɔ; mąąhɔlɔɓo, Yálá tɛɛi nu ɓa.

Mąątɛ̨nɛ̨ 25:5

'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Mąątɛ̨nɛ̨ 119:102

Və́ nwún gulɔi mɛ̨nįɠaai ə́ mo mu, mąąhɔlɔɓo, yɛ́ ɓə kili tɛɛ bɔ́.