Zôo 34:33 - Yálá laawoo hɛɓɛ (dc)

³³ Ə́ wɔ kili ɓa da pɛli mɔ̨nɔ̨ laai mɛ̨i? Gílí kaa ɉu, yili a kɛ ə́ ɲɛ̨i ɓa a yɛlɛ mɛ̨nį, bələ ɓə ə́ gili tee la ə́ kwəi, kɛlaa ɲą́ą́ hvəi. Yii gaa ə́ kwəi, nɛ mą́ą́.

Yálá laawoo hɛɓɛ

³³ Ə́ wɔ kili ɓa da pɛli mɔ̨nɔ̨ laai mɛ̨i? Gílí kaa ɉu, yili a kɛ ə́ ɲɛ̨i ɓa a yɛlɛ mɛ̨nį, bələ ɓə ə́ gili tee la ə́ kwəi, kɛlaa ɲą́ą́ hvəi. Yii gaa ə́ kwəi, nɛ mą́ą́.

Bible

³³ Tãi ífe fáa ní la m̀ɛnii mâ nyii Ɣâla è gɛ̀i, ya ŋ̀wɛ̂lii Ɣâla é mɛnii kɛ́ ya ŋ̀wɛ̂lii? Yá ƃé ya pɔ̂ri m̀ɛnii ŋí su tôoi, ńyãa fêi. M̀ɛni ma ye mɛnii ƃó ḿâ nyii í gɔ́lɔŋ.

Zôo 34:33 Referans Kwoze

Mąątɛ̨nɛ̨ 135:6

Mɛ̨nįi lɔpee Yai-Laa kaa bɔ, a gɛ, lɔi mɛ̨i ɓɛ, ə mą kɛ yələ kɔ́lɔn ɉu, gboloyá hu, ə mą kɛ ɲąmuątaa.

Zôo 33:32

Akɛ nwóó pulu pənə woo kaa ə́ la, mo, mąąhɔlɔɓo, gáá bɔ ŋą́ ə́ kɛ a nui hɔn və ma.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Hebreu 2:2

Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

Lomaŋ 11:35

A wala kɛti, gbɛɛ ɓə gbɛa hɛn da tɛɛ bɔ, yai a pənə yɛ gwələ kulɔ mą?»

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Zôo 41:11

Mąlą mąlą yɛ kulɔ na, nwɔ̨n gbalənŋąą diɛ kulɔ laa.

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

Zôo 33:5

Akɛ yá pɛli ma, nwóó pulu pənə kani! Mɛ̨nįɠaa kwɛli, ə́ ɉee nwóó tɔwɔ, ə́ kpɔɔ pɛli.

Zôo 18:4

Ə́ kaa ə́ kpɔɔ hukalai liiholi hu. Ə́ kaa bɔ lɔi ə lɛɛ a gboloon a ə́ laa pɔɔ? Kwɛniɠaa diɛ həɠə di laai?

Zôo 15:31

Hvo gilitɔɔ kpɛli kpɛli ɓa, a kɛ ti, a gbɔwɔ ɓowo. Mąąhɔlɔɓo, vɛla kaa lɔ pai kɛi a ɓowo ɓo.

Zôo 9:12

A hɛn ɉon, gbɛɛ ɓə a gulɔ ɲəi? Gbɛɛ ɓə a kɛ mą: Lə ɓə ŋɛ̨i ə́ kaa gɛi?

Zôo 34:34

Mɛ̨nį kɔ́lɔn nuą kaa pai hvaai nwóó ɓa, kilimąą nuą diɛ kɛ mą́ą́:

Ɉeremi 25:28

Yɛ diɛ: «Da wala gɛ di hvo gbələ kɔ́wɔ hon ə́ yəi di hvo gbələ, kɛ diɛ: Mɛ̨nį Kəlee ŋą Hééɓomun Yai-Laa woo ka: Ə mą kɛ tii, ka káá pai gbələi lɔ.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.