Zôo 34:21 - Yálá laawoo hɛɓɛ (dc)

²¹ Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

Yálá laawoo hɛɓɛ

²¹ Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

Bible

²¹ Kɛ́lɛ Ɣâla a núu-kpune sia-pere maa kpɛ̂ɛ, gɛ́ ƃɛ́i kélee kàa a kɛ̀ liî naai.

Zôo 34:21 Referans Kwoze

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Zôo 10:4

A kɛ ti nu ɲɛ̨ikɔw ɓə yɛ́? Yɛ́ kɛɛ kaa yɛ bələi nu kan a kɛɛ kaa la?

Zôo 11:11

Mąąhɔlɔɓo, nwɛi ə lɛɛ nuą kɔ́lɔn, hva lamun giliŋąhiɛi, yɛ mɛ̨nį nwɔ̨n gɔlɔn.

Zôo 13:16

Yálá kaa kiɛ pai kɛi a nwun mąąɓo mɛ̨nį? Mąąhɔlɔɓo, túwɔ́ pələ ɲɔ̨n gulɔ mun da heei hvo bɔɔ li.

Zôo 14:16

Kɛlaa, ya ka yiihu, ya kɛ ɉíɛ pələ tɛitɛi kəlee lonoi. Mąą hvo kɛ nɛ̨ɛ̨li, hvo nwɔ́ túwɔ́ pələ ɲɔ̨n ɉee ə́ kwəi.

Zôo 24:23

Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Mąątɛ̨nɛ̨ 33:15

Ya ɓə nu tɛi tɛi kili pɛli, yɛ di kɛ mɛ̨nįɠaa kəlee hu kaa.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.