Zôo 33:19 - Yálá laawoo hɛɓɛ (dc)

¹⁹ Kɛlaa lɔwai taɠaa hu, a ɉutɔɔ lɔ nwɔ̨nɔ̨ a mɔ̨nɔ̨ ɓo mɛ̨nįɠaai da həli mą ɲəi gbin ŋą. Ɛlɛɛ, gɔwɠaa diɛ kpəlaan ɉu, di hva kpəla mą.

Yálá laawoo hɛɓɛ

¹⁹ Kɛlaa lɔwai taɠaa hu, a ɉutɔɔ lɔ nwɔ̨nɔ̨ a mɔ̨nɔ̨ ɓo mɛ̨nįɠaai da həli mą ɲəi gbin ŋą. Ɛlɛɛ, gɔwɠaa diɛ kpəlaan ɉu, di hva kpəla mą.

Bible

¹⁹ Ɣâla a kɔlɔ-fela tɛ̀ɛ a núu kula maa kɛ́ sɛŋ, é gbono láa fɛ́ɛ a sɛŋ sôli maa.

Zôo 33:19 Referans Kwoze

Zôo 30:17

Kpinii, mɔ̨nɔ̨ a ɓɔ ɉú, yɛ həli gɔ́w ɓa. Mɔ̨nɔ̨i tii kaa gɔ́w mįi, vii hva kpɛɛ.

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Mąątɛ̨nɛ̨ 119:67

Gɛɛ kpɔwɔ mąąyɛɛ hvo lɔ ɉú, ŋį́ kɛi lan, yiihu kɛa, gáá ə́ wɔ tɔn nwooiɠaai hon ɉii.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Zôo 20:11

Ə kɛi gbɔwɔ kaa a nu nwųnų, hvaŋą ə ɓo gɔwɠaa hu, Kɛlaa, da diɛni di kaa pai laai pɔlɔ hu a gee.

Zôo 7:4

Ŋą́ lɛɛ lɔ laai, gɛ kɛ diɛ: «Minɛ̨ lɔwai ɓə gáá pai múhəɠəi la?» Ŋą́ múhəɠə gɛ́ yələ wulii mąą kpɔn. Kiliŋąhiɛ ɲɔ̨nwɔ̨ɔ̨ɠaa lɔ ɓə ŋį́ gɛ, ə lɛɛ ɉu yələiɓɔi ə həli.

Kɔlɔnikɔ Veerɛi 16:12

Asa ə ɲɔ̨n ɉəɠə, nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲɔ̨n nwalawala ə yili gɔɠɔɠaa diɛ. Gɛɛ ɲɔ̨n ɉu, hvo gilitɔɔ Yai-Laa ɓa, ə gilitɔɔ halikɛnuą diɛ.

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Dutɛrɔnome 8:5

Mąąnɛ̨ɛ̨ ka ka kiliŋąhiɛ, ka gbaɠala kaa, kaa diɛ Yai-Laa ka wɔ Yálái kaa ka mąą kwɛlii yɛ bələi lon gaamun a non mąą kwɛli la.

Mąątɛ̨nɛ̨ 73:14

Di kɛi túwɔ́ gɛ́lɛi, yələwala pɔ tɛi tɛi, diɛ ɉútɔɔ.

Zôo 29:17

Ŋį́ kɛi mɛ̨nį ɲɔ̨n gɛ nuą kəlee ɲin ɲali di la, nuąi kɛ mɛ̨nį ɲɔ̨n gɛ ɲin aa di hon, gɛ́ di kulɔ ɲəi kɛ.

Ikilisiati 8:6

'Hvó gaai, mɛ̨nį kəlee kiti tee yələ kaa mą, mąąhɔlɔɓo, nu kan níi ɲɔ̨nwɔ̨ɔ̨i gwəi kɛnɛ̨;