Zôo 31:31 - Yálá laawoo hɛɓɛ (dc)

³¹ Mą́ą́ nwɛ̨ąą di hvo kɛi kɛ diɛ, Gbɛɛ nuą ɓə di hvo pilɛ li huwɔ hu?

Yálá laawoo hɛɓɛ

³¹ Mą́ą́ nwɛ̨ąą di hvo kɛi kɛ diɛ, Gbɛɛ nuą ɓə di hvo pilɛ li huwɔ hu?

Bible

³¹ Ŋ́gayɔɔ-ŋai kélee dí gɔ́lɔŋ a gɛɛ diai kélee kùla ḿâ a ŋɔ̃yai, ŋá díseêi kùla kpɔ́ a ǹɛ́lɛɛ.

Zôo 31:31 Referans Kwoze

Hanwon 1:18

Kɛlaa di wɛi, di kpɔwɔ ɲąmą pu mɛ̨nį lɔ ka tii, di kaa bələ hɛlɛn dɛi la, di wɔ yɛnɛ̨ɛ̨ lɔ ɓə pai gɔ́i.

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 27:2

Nu ɲɔ̨nwɔ̨ɔ̨ɠaa di mą wolo mą́ą́, diɛ kɛ di ɉú hvala-hvala, diɛmun mə da kalin di too a diɛi tii gɔ́ pɛlɛ mą́ą́i, a ɲówóɠaa.

Zôo 22:7

Hvo kpɛli kɛi kpələ wɛli kulɔ nu ɓa, yɛ́ lənə kɔ̨nɔ̨n dɛɛi pulumun bɔ.

Zôo 19:22

Lə mɛ̨nį ɓa ka hvilɛn búlu yɛ Yálá? Ka hvo pilɛ li ɉúwɔ hu?

Samuɛlə dɔlɔɔ 26:8

Avisai yɛ Davidə ɓa: «Yálá aa ə́ yowo lɔ ə́ yee ŋą háákələi. Hvaa kɛa mą, ŋą́ gbɔn nɔi ɓa a kpala pilii tɔ̨nɔ̨; vá veelɛnąą too mą.»

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?

Samuɛlə dɔlɔɔ 24:4

Ə həɠə Mɛlaa kumun gɛɛnąą, yaai tii bələ kwɛlɛ. Kwɛni wolo ta ə kɛ laa Saulə ə lɔ ɉu, yɛ li gala kwɛlɛ. Davidə yaan, da nwɔ nuą di kɛ laa gwɛni wolo kpon ɉu pələ.

Zôo 31:32

Nwɛą hvo kɛi yii yɛnɛ̨ɛ̨ bɔ́ɔ́li, Ŋą́ kɛi nwɔ́ pɛlɛ laa ɓo hiɛ kulɔ mun dɔwɔ.

Zôo 19:15

Mą́ą́ nwɛ̨ą da nwɔ́ koló kɛ nuą, di kəlee da gáá a nwɛ̨ą. Ŋą́ą́ kɛ kɛa di ɲɛ̨i ɓa a nui mɛlɛ hvo mą.

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Zôo 30:25

Ya pa, nuąi yɛnɛ̨ɛ̨ ə walawala di mɛ̨i, ŋį́ di wɔ wɔlɔ ɓo, mɛ̨nį a laa mąąwɛli nuą diɛ, ɲą́ą́ mun níí yɛ kpəlaan gwə́i.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.