Zôo 31:29 - Yálá laawoo hɛɓɛ (dc)

²⁹ Ŋą́ą́ ta ɲówo nwɔ mɔ̨nɔ̨ mįi mɛ̨nį gwəinɛ̨ɛ̨ kulɔ? Ɓɛlɔwai mɛ̨nį ɲąąnwąnąą a laa laa mą, ŋą́ kɛ pilii yələi a kwəinɛ̨ɛ̨?

Yálá laawoo hɛɓɛ

²⁹ Ŋą́ą́ ta ɲówo nwɔ mɔ̨nɔ̨ mįi mɛ̨nį gwəinɛ̨ɛ̨ kulɔ? Ɓɛlɔwai mɛ̨nį ɲąąnwąnąą a laa laa mą, ŋą́ kɛ pilii yələi a kwəinɛ̨ɛ̨?

Bible

²⁹ Ńii fé tá nɛ̃ɛ ní tãi ŋá ŋ́gbɔara-ƃelai kâa la mɛni kpɔ̂lu sui. Ḿve tá lii-nɛ̃ɛ kula ní a tãi laa-kpala maa mɛ̂ni a kûla la dîai.

Zôo 31:29 Referans Kwoze

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Abdiasə 1:12

Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Samia Veerɛi 1:12

Saulə da Ɉonatan, da Yai-Laa nwɔ nu huwui, da Israɛlə nwɔ nuąi tii lɛɛ a gɔ́ kɔ́ ɓɔwa kɔ̨nɔ̨n, di di haa wɔlɔ ɓo, di hin nɔ, ə lɛɛ la ɉu yələ ə wulu.

Samia Veerɛi 3:32

Di Avnɛrə loo Hebrɔn. Tɔɔmun ə tomą a wɔlɔ Avnɛrə kámą mɛ̨i, nuą kəlee di bu ma a wɔlɔ.

Abdiasə 1:13

Ɓɛlɔwai tii laanɔ̨nwɔ̨ ə laa la di mɛ̨i, mąą hvo nɛ̨ɛ̨li kɛ ka hvo lɔ nwɔ́ nuą tii di wɔ taai hu, di wɔ taai woloi lɔwai. Mɛ̨nį nwąnąą tii laa diɛ, mąą hvo nɛ̨ɛ̨li kɛ, hvo kɛ kaa a kwəinɛ̨ɛ̨, gu hvo mun kɛ, ə́ daai tii hu hɛn gɔw ta həɠə, ɓɛlɔwai di kɛi too la di mɛ̨i.