Zôo 31:24 - Yálá laawoo hɛɓɛ (dc)

²⁴ Akɛ ŋą́ą́ gílitɔɔ hɛni ɓa, akɛ ŋą́ą́ ta kɛ Kúwɔ́-kwɛni ɓa: «Mą́ą́ kpɛ́ hɛn.»

Yálá laawoo hɛɓɛ

²⁴ Akɛ ŋą́ą́ gílitɔɔ hɛni ɓa, akɛ ŋą́ą́ ta kɛ Kúwɔ́-kwɛni ɓa: «Mą́ą́ kpɛ́ hɛn.»

Bible

²⁴ Ḿve tá ŋ́gili tɔɔ ní ŋátɔɔ-sãai ma, ḿve tá gɛ́ ní tí a dɔnɔ kpîŋ,

Zôo 31:24 Referans Kwoze

Hanwon 11:28

Nui a gilitɔɔ hɛn gɔw nąmu ɓa, a too. Kɛlaa, tələnmomun a ɓuwuɓo, yɛ yá kwɛlɛ wulu.

Mąątɛ̨nɛ̨ 52:7

Yálá yaa kpinįi gaa pai ə́ hu kalai, a yələ kəlee mɛ̨nį. Gaa pai ə́ yalai, yɛ́ ə́ wɛan ə́ yəi bɛlɛ́n, yɛ ə́ kulɔ a ə́ nwun, yɛnɛ̨ɛ̨ nuą lɔwai.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Hanwon 10:15

Hɛn gɔw nąmu a hvaŋą hɔlɔɓo nwɔ hɛn gɔwi hu. Kɛlaa, yeehvowolo nuą di wɔ yeehvowololaa ɓə a di too.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Mąątɛ̨nɛ̨ 49:17

Ə́ mą nu ta kaa yɛ hɛngɔw kɛnɛ̨ hɔlɔɓo, yili hvo ə́ mąąɲɔw, ə mą kɛ, nwɔ pɛ́lɛ́i nwɔ mąąwiɛlaa hu kaa kɛnɛ̨i.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Zɛnɛse 31:1

Ɉakɔbə ə bələ mɛ̨n Laban lon ɉinąą diɛ kɛ diɛ: «Ɉakɔbə aa ku nąn nwɔ hɛn gɔw kəlee həɠə a gbanalaa, yaamun, aa kɛ a hɛn gɔw nąmu.»

Markə 10:23

Jesus ə tinɛ̨n ə nwɔ kalan nɛai kaa gwɛlɛ, yɛ diɛ: «Hɛn gɔw nąmu lɔ laa walaai Yálá-taa tɔɔlaa hu.»

Zôo 22:24

Ə́ wɔ hɛni kpuwului too lɔi ɓa, Ə́ bili yai kwɛniɠaa lɔwai,

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.