Zôo 31:18 - Yálá laawoo hɛɓɛ (dc)

¹⁸ Ya pa, múhəɠə yələ, ə kɛ gwɛ́lɛ, yɛ a kɛ a nón Ɛlɛɛ, ŋį́ gbɔwɔ laa kɔ́lɔn nɔ, gɛ́ ɓo a kalanənŋąą tənən dɔɔ mun.

Yálá laawoo hɛɓɛ

¹⁸ Ya pa, múhəɠə yələ, ə kɛ gwɛ́lɛ, yɛ a kɛ a nón Ɛlɛɛ, ŋį́ gbɔwɔ laa kɔ́lɔn nɔ, gɛ́ ɓo a kalanənŋąą tənən dɔɔ mun.

Bible

¹⁸ Ŋá kâa dí kùla zu yɛ̂ɛ sɛŋ ƃé ŋákɛ̀ a dí nâŋ. Ŋá bɔɔ-nɛyãai maa kɔ̃ɔ kpɔ́ a tãi kélee.

Zôo 31:18 Referans Kwoze

Zôo 22:9

Yɛ́ kalanənŋąą kpɛ, hɛn da hva kɛ di yəi, yɛ́ təli lonnii yee wolo.

Zôo 31:17

Ɲą́ą́ dɔ̨nɔ̨ ɓə kɛi hee gɔ́nɔ̨n ma, yii təli lon və nwɔɔ hɔlɔɓo li ɉu.

Zôo 31:19

Ŋą́ nu kaa kɛ həɠə hvo mą, ŋą́ yeehowolo mun gaa kɛ ɲiihəɠə hvo ɲəi,

Tɔɔɓɛlaa veelɛ 14:9

Israɛlə tɔɔmun Ɉoasə ə nwɛlɛɛ pulu pənə, Ɉuda tɔɔmun Amasiasə ɓa, yɛ mą: «Liban ɲąąlən gbɔlɔ ə kɛ Liban kpitili ɓa, ‹Ə lon nɛ̨ɛ̨ɛnu tɛɛ nón bɔ a nɛ̨ą›, kɛlaa, Liban huwɔ ə pa ə ɲąąlən gbɔlɔi tii wolo wolo di kɔ́wɔ mu.

Zôo 29:12

Mąąhɔlɔɓo, mąąwɛlimun lɔpee kɛi kpɔnmąą kwɛli, ŋį́ kɛi gulɔ ɉu. Gɛ́ kpɔmąą tɛɛ təlilɛa pɔ.

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.