Zôo 30:30 - Yálá laawoo hɛɓɛ (dc)

³⁰ Gɔ́lɔ kaa tɛɠii mą́ą́, yɛ tee mą́ą́ yɛ too, gɔ́wɠaa diɛ kpala ɉú, diɛ kələn.

Yálá laawoo hɛɓɛ

³⁰ Gɔ́lɔ kaa tɛɠii mą́ą́, yɛ tee mą́ą́ yɛ too, gɔ́wɠaa diɛ kpala ɉú, diɛ kələn.

Bible

³⁰ Ŋ́gɔlɔ a tɛ̂i ḿâ ŋ́olo-woloŋ kɛ́ ƃò. Ŋ́gɔlɔ a fãa kpɔ́ ḿâ a ŋánaa ŋ́gbonoi kɛ́ kèreŋ.

Zôo 30:30 Referans Kwoze

Woolaa 4:8

Kɛlaa, di ɲɛ̨ilaa a tɛɠi kɛa yɛ kpįnį, nu hva kpɔ kɛa di ɲɛ̨ilaa kɔ́lɔn gwəli lɔwai; Daa kpala yɛ kwɛi di kɔ́lɔ aa kąnąn di kɔ́w ɓa.

Mąątɛ̨nɛ̨ 102:3

'Hvó Ə́ ɲɛ̨i həɠə ɲɛ̨́i, ɲələi mɔ̨nɔ̨ a hee la ɉú. Ɲələi ŋą́ Ə́ təli la, 'Ə́ wəli tɔɔ kpɔ a nɛlɛɛ nwóó ɓa, 'Ə́ nwóo mu hon ɉa.

Mąątɛ̨nɛ̨ 119:83

Gúlaai wɔlɔ kɛ ɓálá haɠa ɓa, Kɛlaa, və́ lɛ̨ą ə́ lííɓa mɛ̨nįɠaa diɛ.

Woolaa 5:10

Pulu aa ku kɔ́lɔ kələn kuɔ yɛ nwɔ̨n dįnįi pɔ́lɔ.

Woolaa 3:4

Aa gbála, ə həɠə nwúɔ̨ ə too la gɔ́wɔ́ ɓa aa gɔ́wuɠaa hu yali yali.

Zôo 2:7

Ɲąąɓa ɓilihi ə həɠə Yai-Laa lííla. Ə li, ə tiha ɲɔ̨n ɲɛɛ a Ɉobə, ə həɠə nwuɔ̨ ə kulɔ la, gɔwɔɲą.

Zôo 17:14

Gɛ́ kɛ gámą ɓa: «Yɛ́ ɓə a ną́n», koloɠaa di wɛi, gɛ́ kɛ diɛ: «Néé da mą́ą́hala.»

Zôo 30:17

Kpinii, mɔ̨nɔ̨ a ɓɔ ɉú, yɛ həli gɔ́w ɓa. Mɔ̨nɔ̨i tii kaa gɔ́w mįi, vii hva kpɛɛ.

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Mąątɛ̨nɛ̨ 102:4

Hvó gaai, nwɔ́ hvólóɠaa kaa lɔ kpɛɛi, yɛ nwɔ̨n nulu, gɔ́wɠaa diɛ kələn yɛ kpáɠa nwɔ̨n.