Zôo 30:1 - Yálá laawoo hɛɓɛ (dc)

¹ Yiihu kɛa, ŋą́ą́ kɛ a yɛlɛ kulɔ ɉu hɛn, muhəɠə nįnɛ̨ɠaa yəi, di hvo kpɛli nwɔ́ nu pɔlɔ laa mąąwiɛi. Ya pa, di nąnni di mąą hvo kpɛli kɛ nɛ̨ɛ̨li nwɔ́ taatɛlɛɛɠaa pulu yilɛɠaa lɔwai.

Yálá laawoo hɛɓɛ

¹ Yiihu kɛa, ŋą́ą́ kɛ a yɛlɛ kulɔ ɉu hɛn, muhəɠə nįnɛ̨ɠaa yəi, di hvo kpɛli nwɔ́ nu pɔlɔ laa mąąwiɛi. Ya pa, di nąnni di mąą hvo kpɛli kɛ nɛ̨ɛ̨li nwɔ́ taatɛlɛɛɠaa pulu yilɛɠaa lɔwai.

Bible

¹ Ǹîa-pɛlɛɛi nyii-ŋai dífe tɛ́-ni ḿbɔi díkaa nâa ɣɛ́lɛ-maa kulâi ŋ́gbonôi. Dínâni kpɛ́ni-kpɛniɛi kpɔ́ a sɛŋ nyii ḿva pɔ̂ri dí marê kɛ̂i a gɛɛ dí kpɔŋ mâa tɛɛ ŋáɣila-ŋai pɔ́ a gɛɛ dí ŋáƃála-ŋai mɛi kaa.

Zôo 30:1 Referans Kwoze

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Lukə 23:35

Nu kpului tii kəlee di kɛ tɔɔ ni di ɲɛ̨i həɛ laa. Ɉuifə kalanɉonŋąa diɛ yɛlɛ kulɔ Jesus hu, diɛ kɛ mą: «Aa kɛ nu tamąą nwun mąąɓo, ə gbɔwɔ nwun mąąɓo kani kɛa, akɛ Nwun mąąɓomun Yálá ə naakwɛlanmo, yii ɲɛɠɛɛ ɉu yaa li.»

Mąątɛ̨nɛ̨ 69:12

Ŋį́ ɓíi haɠa too gwą́ną́, yɛ haa a too nu ɓa, ɛlɛɛ, ŋą́ą́ kɛ a di wɔ laapuɉu hɛn, yili mąą mɛ̨nį ɓa.

Tɔɔɓɛlaa veelɛ 2:23

Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Taitɔ 1:12

Diɛi tii a Krɛtə nuą, di ta, a di wɔɔ kilimąą mun da, ya ɓə nwoo ŋɛ̨i ɓo, yɛ kɛ mą: «Krɛtə nuą kaa lɔ a yələ kəlee, a lɛɛ nuą, a too-kwɛliɠaa, a hvįɛ̨ nuą, di koolon ɉu mɛ̨nį lɔ ɓə di gɔlɔn.»

Gɛlaɠaa 17:5

Kɛlaa, Ɉuifəɠaa di tolo kulɔ a diɛ, di nu-kpoloonŋaa yɛɠɛ daa pɔ, di di ɲąąkpɔn a di kpulu; di daa kɛ lɔ ɉuwu-ɉuwu. Di li Ɉasɔn yəi bɛlɛ́ laaləi, diɛ Polə da Silasə di kwɛli, diɛ kɛ di li a diɛ kiti haɠa ɓa daa lonnii lii la.

Lukə 23:39

Mɛ̨nį ɲɔ̨n gɛ nuą hveelɛi tii dɔ̨nɔ̨ ə kɛi Jesus lalan, yɛ kɛ mą: «Akɛ Nwun mąąɓomun Yálá ə naakwɛlanmo ya ɓaa a yɛ́, ə́ kpɔɔ nwun mąąɓo, ə́ ku nwun mąąɓo.»

Lukə 23:18

Kɛlaa, di kəlee di tómą kpɔ a di woo kɛnɛ̨, diɛ kɛ diɛ: «Nui ŋɛ̨i paa, ə́ Barabasə lɛɛ gbɔwɔ ɓa.»

Lukə 23:14

yɛ diɛ: «Ka pa a nui ŋɛ̨i bɔ́ ɓɛ, kaa diɛ: gaa nɔi nuą kwɛiteei, yɛ di həɠə pələ haŋąa mɛ̨i. Yaan, mąąni kɛi ŋį́ mo ka ɲɛ̨i ɓa, və́ hɔn nɔpee ta kaa li mą, yii mąąnɛ̨ɛ̨ ə gaho kɛ ɉu, yɛ hvilɛn na yiiɠaa ka mo a nąą ma.

Markə 14:65

Nu taɠaa di nɛ̨ɛ̨mą diɛ di laayá taɠa ɲɛ̨i. Di ɲɛ̨i yili a həɠə ɓɛla ta, diɛ di yee kpun gɛ, diɛ gɛlɛ la; diɛ kɛ mą: «Nui ə́ kɛlɛ, naa ɓo kuɔ?» Yili pulu, holahiɠaa di Jesus hon, diɛ gbɔnwɔ̨nɔ̨n nwuɔ̨.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Zôo 30:2

Mun hɔlɔɔ, mą́ą́kpaan və kɛ di wɔ hɛn da ɓa. Di wɔ huwalawalalaa hu aa kala.

Mąątɛ̨nɛ̨ 119:51

Kpɔwɔ ɲąąkɛnɛ̨ nuą di di laa pu ɉú kɛnɛ̨, Kɛlaa, və́ həɠə ə́ wɔ tɔn nwooi pulu.