Zôo 3:13 - Yálá laawoo hɛɓɛ (dc)

¹³ Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Yálá laawoo hɛɓɛ

¹³ Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Bible

¹³ Eêi kɛ̀ ŋ́âi sàa, gɛ̀ ní ŋ́gaa laâ-ni mî fii tɔ̂ɔ su saa táa,

Zôo 3:13 Referans Kwoze

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Zôo 21:23

Nu taɠaa da haa di hvaŋą kɛnɛ̨ɛ ni, di lii laa diɛ a kwəinɛ̨ɛ̨,

Zôo 21:13

Di yii hvóló kəlee a kɛ kwəinɛ̨ɛ̨ hu, ɉu hva kwɛa, diɛ yɛɛ ɲąmuątaa.

Zôo 19:27

Ɲą́ą́ gbinįi, gáá pai ɲɛ̨́i tɔɔi mą, ɲą́ą́ gbinįi kpɔ kpɔɔ, ɲɛ̨i kwəleen a tɔɔ gbinį ɓa, nu takpɛli hvəi, ɲą́ą́ gbinįi kpɔ ɓə pai gaai. Gaa wɛli a too mą́ą́, yɛ gə́lən yɛ nwɔ̨n.

Zôo 17:13

Lə ɓə kɛa ŋą́ gílitɔɔ mą, nwɔ́ pɛ́lɛ́i kaa kɛa ŋąmoątaa. Ŋą́ą́ náái kulɔ kpinį hu.

Zôo 10:22

Ɓɛi nąą yələwala kaa a ɉu kpinɛ̨ɛ̨, ɓɛi haa a nąą kpinį a yələ kəlee. Nąą yələ ɓɔɔ ə ɓo a kpinį hu tɛɠiɛ.

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Zôo 3:12

Lə mɛ̨nį ɓa, di náá di kɔ́wɔ mɛ̨i, gɛ́ néé ɲįnį kpələ?

Zôo 10:21

Gáá kɛa pai lii yali bulu hva kɛ ɉu. Kɛɛnąą kpinɛ̨ɛ̨ nuą pɔ taai.

Zôo 14:20

Yáá gɔ́ kala mą, aa li. Yáá ɲɛ̨i paa, yɛ́ gbɛ.

Zôo 16:22

Mąąhɔlɔɓo, nwɔ́ kɛ yɛnɛ̨ɛ̨ gwɛlan və tamą li, bələi vílɛn ŋąą mɛ̨i, və́ pai búlu pənəi.

Zôo 19:25

Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.

Zôo 21:26

Di kəlee da lɔ pɔlɔ mu, kolo ə pu di kəlee di hu.

Zôo 24:19

Lɔi da wəleen, da hanwon gbuwulu həɠeen bələ lɔ ɓə ɲąmuątaa a mɛ̨nį ɲɔ̨n gɛ mun gɛ la.

Zôo 24:20

Goolon ə kulɔ ɉu, a lɛ̨ą ma, koloɠaa diɛ di liiɓa kɛ ɉu, gili hva kɛa lɛɛ nu ta ŋą, bələ ɓə mɛ̨nį ɲɔ̨n gɛ mun ɉu a yali la, yɛ wulu kpiɛ.

Zôo 26:5

Haaɓəlaa diɛ ɲɔw, ɓɛi nąą mąą yɛɛ gboloyá da ɉu hɛnŋąą di mu pələ.

Zôo 26:6

Ɲąmoątaa hu pɔ̨nɔ̨ɔi Yálá ɲɛ̨i ɓa, ə lɛɛ, haaɓəlaa taa hu hvo kpinį li.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Izikiɛ 32:27

Da gɔ́kulááɠaai tii haa di ɓo a kɛ́nɛ̨ kpolɔwaɠaa, di hva pɛli kɛi laa ni kɛɛnąą tɔ̨nɔ̨ ɓa, di yɛɛ ɲąmuątaa, di wɔ kɔ́ kɔ́ hɛnŋaai kəlee ə ɓo diɛ, di di wɔ kɔ́ kɔ́ ɓɔwaɠaai laa di nwun mu, di wɔ nɛ̨ŋɛ̨nŋaa di ɓo di kɔ́wɠaa mɛ̨i. Mąąhɔlɔɓo, kɛi di mo a kɔ́kulááɠaa, di ɲɔu too yɛnɛ̨ɛ̨ nuą hu.