Zôo 29:3 - Yálá laawoo hɛɓɛ (dc)

³ Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Yálá laawoo hɛɓɛ

³ Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Bible

³ Ɣâla ŋɔkwaa ponoɔɔi è kɛ̀ ŋ́gɔ̀lɛ a ɣele kélee gɛ́ ḿɛi kâa ŋ́zia-pere su a kpíni.

Zôo 29:3 Referans Kwoze

Mąątɛ̨nɛ̨ 18:28

Nuąi daa di ɓɛlɛ kpɛɛ diɛ, yɛ́ ɓə ya yeetɛɛmąąlaa tɛɛ di pɔ, yɛ́ kpɔwɔ ɲąąkɛnɛ̨ nuą nwun ɲɛɛ.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Zôo 18:6

Nwɔ həɠə pɛ́lɛ́i mu kɛɛ pɔ̨nɔ̨ yɛ pənə a kpinį nabon a ɉee nwun na, yɛ luwun.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Ɉaan 12:46

Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Zôo 22:28

Yá ə́ yee too mɛ̨nį ta hu, ɉu a nɛɛ yɛ́, ə́ tɛɛ pələ kəlee hu yɛ pɔ̨nɔ̨.

Zôo 11:17

Ə́ wɔ yɛnɛ̨ɛ̨ kaa pai kɛi yɛ hvóló tɔɔ nwun ma. Ə́ wɔ kpinį ə ɓo yɛ yələ ɓoɔ nįnɛ̨.

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Hanwon 13:9

Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Zôo 21:17

A kɛ ti, yələ kəlee ɓə mɛ̨nį ɲɔ̨n gɛ nuą di wɔ kpalan a luwun na? Di wɔ mɛ̨nį ɲɔ̨n gɛɛ a too di mɛ̨i? Yálá nwɔ liiholii a di yəi hɛn gəlee hukala?

Mąątɛ̨nɛ̨ 18:29

Yɛ́ ɓə yá nwɔ́ nwɔ̨n hee, Yai-Laa nwɔ́ Yálá, kpinį a pɛlɛ mą́ą́, yá ɉu pɔ̨nɔ̨ ɲə́i.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.