Zôo 29:25 - Yálá laawoo hɛɓɛ (dc)

²⁵ Ŋį́ kɛ heeni di nwun na, gɛ́ di hiɛ kpaalə lɛ diɛ, ŋį́ kɛ di lɔwai yɛ tɔɔmun a kɛ nwɔ nuą lɔwai, gɛ́ ɓo yɛ nui a liikələn gwəi nuą liilaa.

Yálá laawoo hɛɓɛ

²⁵ Ŋį́ kɛ heeni di nwun na, gɛ́ di hiɛ kpaalə lɛ diɛ, ŋį́ kɛ di lɔwai yɛ tɔɔmun a kɛ nwɔ nuą lɔwai, gɛ́ ɓo yɛ nui a liikələn gwəi nuą liilaa.

Bible

²⁵ Ńyãa ƃé kɛ̀ a dílaa túɛ-nuu ŋ́gɛ díteniŋ tɔ̀ɔ. Ŋá kɛ̀ dísama yɛ̂ɛ kâloŋ ƃé ŋɔkɔ-kuluƃa-ŋai sáma, ŋ́gɛ díŋa-nɛnɛ yɛ̂ɛ núu à kɛ̀ saa wɔ̂lɔ kɛ́-ƃela ŋánɛnɛ̂i.”

Zôo 29:25 Referans Kwoze

Nwun mąąɓo 11:8

Galanɉonŋaa diɛ Ɉɛfte ɓa: «Kwaa pa ə́ pɔ, ə gɛ, yiihui ŋɛ̨i, ə́ tɔɔ ku tɔwɔ, gu kɔ́ pɛlɛ Amɔn nuą diɛ, ə́ kɛ a ku nwun nąmu, Galaadə kəlee nwun mɛ̨i.»

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Zôo 31:37

Gáá pai ɉiɛ pələ tɛitɛi hukulɔi Yálá ɓa, gáá pai naakwiɛn ɉii yɛ tɔɔmun non.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Dutɛrɔnome 33:5

Yesurun aa tɔɔmun ɉɔlɔɓo, Ɓɛlɔwai nwun nąmįną di di ɲąąkpɔn na, da Israɛlə nuą kəlee.

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

Zôo 29:24

Ŋą́ yɛlɛ kɛ di ɲɛ̨i, di hvo kɛi laa yili la, di kɛi mą́ą́ kpɛɛ ə gɛ, ŋį́ ɲɛ̨́i lɛlɛɛ hee diɛ.