Zôo 27:6 - Yálá laawoo hɛɓɛ (dc)

⁶ Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Yálá laawoo hɛɓɛ

⁶ Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Bible

⁶ Ŋá gɔ́lɔŋ a gɛɛ ŋa teniŋ ƃô tua kɛ̂i. Ḿve pâi teêi mà. Ńii fé nîi mó ní ḿâ a gɛɛ ŋâa mɛni nyɔ́mɔɔ kɛ́ ŋákɛ-ɣeniɛi su.

Zôo 27:6 Referans Kwoze

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Hanwon 4:13

Mɛ̨nį ŋɛ̨i di ə́ kalan na, 'ɉon kpaan, 'hvó ə́ pulu tɔɔ mą. Gaa a ə́ wɔ yɛnɛ̨ɛ̨, ə́ yee kanąn mą.

Zôo 6:29

Ka pənə ka haŋą, nu ta hvo kɛa hulu kɛ. Gáá kpɔ moi kaa, ka haŋą. Nwɔ́ tələnmolaa hu yɛ ə kala.

Zôo 13:18

Ya ka ŋɛ̨i ku kaa lii kiti haɠa ɓa. Ŋą́ gɔlɔn gɛ́ giti kaa pai nɛɛi mą́ą́.

Zôo 27:7

Mɛ̨nį ɲɔ̨n ə laa ɲówo ɓa, yɛ bələi a laa la nu ɲɔ̨nwɔ̨ɔ̨ ɓa, ə laa gɔ́yɔwɔ ɓa, yɛ bələi kpɔlɔ a laa la nwąnąlɔ mun ma.

Zôo 29:14

Tələnmolaa ɓə kɛ a mą́ą́yili həɠə, tɛ̨ą ə ɓo a nwúɔ ɓɔlɔ.

Zôo 31:6

Yálá ə dúwɔ́ pələ kɔ́ɔn tələnmo kilə ŋą, gaa pai nwɔ́ tɛ̨ą kaai.

Zôo 32:1

Nu haaɓai tii di kpəla kɛa Ɉobə woo pulu pənɛ̨ɛ̨ ɓa, mąąhɔlɔɓo, ə kɛi gbɔwɔ lɛ a nui ɉɔn və mą.

Zôo 32:2

Nąąlɔwai, Elihu yii gaa a Buzə mun Barakeɛlə lon, ə ɓo a Ramə huwuhu mun da, nii ə holi. Ə níiholi Ɉobə pɔ, mąąhɔlɔɓo, yili ə kɛi gbɔwɔ kɛ a tələnmomun, dɛɛ Yálá ɓa.

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Zôo 31:7

Akɛ, gɔ́wɔ́ aa ta həɠə bələ mɛ̨i, akɛ gíli a hiɛ a ɲɛ̨́i kɔ́w kpaalə. Akɛ ɲéé aa ta too mɛ̨nį ɲɔ̨n ɉu;