Zôo 24:13 - Yálá laawoo hɛɓɛ (dc)

¹³ Nu ɲɔ̨nwɔ̨ɔ̨ɠaa da ɲɔw kɛɛ pɔ̨nɔ̨ ɓa, di hvo pələ haŋąą kɔ́lɔn, di hva hiɛ pələ haŋąą mɛ̨i.

Yálá laawoo hɛɓɛ

¹³ Nu ɲɔ̨nwɔ̨ɔ̨ɠaa da ɲɔw kɛɛ pɔ̨nɔ̨ ɓa, di hvo pələ haŋąą kɔ́lɔn, di hva hiɛ pələ haŋąą mɛ̨i.

Bible

¹³ “Ŋ̀wana-lɔ̂ɔ-ƃelai dífa ŋ̀wɛli a gɛɛ ɣele é ƃɔ́. Dífa sîa pere su ponoɔɔ su. Dífa lɛ̂ɛ pere su ponoɔɔ ma.

Zôo 24:13 Referans Kwoze

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Zôo 5:14

Hvóló ŋą ɉe-ɉe, da pili kpinį hu, Hvóló tɔɔ nwun ma lɔwai, diɛ di hiɛ pələ kwɛli yɛ kpinįi.

Zôo 24:12

Daai nuą da kɛ di woo laai, nuąi pala aa tee diɛ, diɛ tomą, Kɛlaa, Yálá hva nwəli tɔɔ di woo ɓa.

Zôo 24:14

Nu paa mun a muhəɠə yələwala pɔ, yɛ yeehvowolomun baa, da mąąwɛli mun, kpinį a pɛlɛ, ə gbɔwɔ kɛ a nwuɔ̨ mun.

Tɔɔɓɛlaa dɔlɔɔ 3:20

Ə muhəɠə a kwii hąą, ə nwɔ́ lon həɠə gwɛ́lɛ, nąąlɔwai, ə́ wɔ luwɔ nɛ̨ąi ə kɛi yíi; ə naa niíla. Ə nwɔ lokolo powai həɠə, ə naa nííla.

Zôo 24:16

Kpini ɓə nwuɔ̨ nuą da wolo ɓɔ la pɛlɛ ɓa, yələ a ɓɔ, diɛ di loo, ə lɛɛ, di hvo kɛɛ pɔ̨nɔ̨ pɔ.

Zôo 38:13

Ə gɛ, yələ wala yɛ pɛli lɔi hon ɉii a nwəli tɔ̨nɔ̨, yɛ nwean mɛ̨nį ɲɔ̨n gɛ nuą mu?

Zôo 38:15

Kɛlaa, mɛ̨nį ɲɔ̨n gɛ nuą di wɔ kɛɛ pɔ̨nɔ̨ a pili di yəi, di yeei di kɛi dɛ yələi, ɉu a yali.