Zôo 23:10 - Yálá laawoo hɛɓɛ (dc)

¹⁰ Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Yálá laawoo hɛɓɛ

¹⁰ Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Bible

¹⁰ É máŋ kɛ́ tí, Ɣâla è ƃɛ́i kɔ́lɔŋ a pɔ̂ri ŋ́gâai naai. À kɛ̀ a ńdûa-pere maa kpɛ̂ɛ, a pâi gɔ́lɔnii a gɛɛ ŋa fôlo kpɔ́ yɛ̂ɛ kɔni wôlo su ya-ɣɛli-loŋ.

Zôo 23:10 Referans Kwoze

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Mąątɛ̨nɛ̨ 66:10

Yálá, ə́ ku hukɔɔn, ə́ ku huwaa, yɛ bələi da gɛ la a wali.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Hebreu 11:17

Laa na laa háálai, Abrahamə hukɔɔn di mo, diɛ mą ə Isaakə kulɔ a haláái, ə non gɔw tanɔ̨n tii kulɔ a haláá, ya pa, daa gbɛa kɛ mɛ̨nįɠaa laakwɛlanmo mą,

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Korɛntə dɔlɔɔ 3:15

Nui nwɔ̨n a nwɛi kələn, a hvɛɠɛ; kɛlaa yaa kpinįlee tii a ɓalo, yɛ a ɓɔ nwɔ̨n ɉu.

Zôo 6:29

Ka pənə ka haŋą, nu ta hvo kɛa hulu kɛ. Gáá kpɔ moi kaa, ka haŋą. Nwɔ́ tələnmolaa hu yɛ ə kala.

Zôo 7:18

Yɛ́ pa kpɔ yɛ mɛ̨i kaa yələ ɓɔ pələ tɛitɛi. Yɛ́ ɉu kɔ́ɔn a lɔwai kəlee.

Zôo 23:7

A gɔlɔn gɛ yɛ, da nu haŋąą ta ka ŋɛ̨i mɛ̨nį ɓoi. Yaa ti a gíti tee mun, ə li pa nwún mąąɓoi a yələ kəlee.

Zôo 23:9

Gaa kiɛ koló ta ɓa ɲələi pələ? Və́ gaa li. Aa now kiɛ ɉɛɠɛɛ pələ? Və́ gɛi kɔ́lɔn!

Zôo 31:6

Yálá ə dúwɔ́ pələ kɔ́ɔn tələnmo kilə ŋą, gaa pai nwɔ́ tɛ̨ą kaai.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Samia Veerɛi 22:22

Mąąhɔlɔɓo, kpaaləi Yai-Laa ə kɛ yɛ ŋą́ hiɛ la, ya ɓə ŋą́ hiɛ laɉu. Və́ kɛ kulɔ li nwɔ́ Yálá woo mu.

Zôo 10:7

Yɛ́ kpinįi gbaɠala kaa yɛ́, ɉɔ́n və mą́ą́, ə lɛɛ nu ta hva pɛli gúlɔi ə́ yee ŋą.

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Zôo 33:9

«Hɔn və mą́ą́, nɛ̨ŋɛ̨n və mą́ą́, nwɔ́ mɛ̨nį haŋąąi, hɔn və mą́ą́.

Ɉeremi 12:3

Kɛlaa Yai-Laa! Ə́ gɔ́lɔn; yá ə́ ɲɛ̨i hee mą́ą́, yɛ́ gwə́i mɛ̨nįɠaa hu kaa; nwɔ́ kiliŋąhiɛ kaa ə́ pɔ. Yii ɓaa nu ɲɔ̨nwɔ̨ɔ̨ɠaa, di tɔɔ a di tee, yɛ ɓɛlaaɠaa di paa mɛ̨nį ɓa. Di kulɔ ku lɔwai, ə́ di tɔɔ a dee, di hukala yələ mąą mɛ̨nį ɓa.