Zôo 22:27 - Yálá laawoo hɛɓɛ (dc)

²⁷ Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Yálá laawoo hɛɓɛ

²⁷ Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Bible

²⁷ Ya Ɣâla fɛ̀li, a pâi íwoo mɛnîi, ǹyaŋ ya pâi íkono têei ŋa-see kɛ̂i nyii í gɛ̀ mìi.

Zôo 22:27 Referans Kwoze

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Mąątɛ̨nɛ̨ 116:1

Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Ikilisiati 5:4

Yii viɛlaɓoɔ ya ɓaa: Nu hvo mun nwoo kwɛlɛ, ə tɛɛ, ə́ woo kwɛlɛɛ ɓa, hvá bɔ mɛ̨nį kɛ.

Zôo 34:28

Ə lɛɛ kpɔ ɉu, mąąwɛli mun nwɔlɔ woo ə həli mą, ɛlɛɛ, təli lon domɔ̨ woo ə həli mą.

Zôo 33:26

A Yálá təli, yɛ nwəli tɔɔ nwoo ɓa, a kɛ tomąi a kwəinɛ̨ɛ̨, Yálái a nu kɛ a təlimomun, ɲɛ̨i ɓa.

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Mąątɛ̨nɛ̨ 116:14

Mɛ̨nįɠaai ŋą́ naakwɛlan mo Yai-Laa ɓa, gɛ́ gəlee kɛ.

Mąątɛ̨nɛ̨ 56:12

Yálá ɓə gílitɔɔi mą, və́ ɲɔwi lə ɓə nu kanŋaa da pɛli gɛi a ɲą́ą́?

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Zôo 8:6

akɛ ə́ wɔ mɛ̨nį haŋąąi bɛliɛ ɉu, a kɛ ti, gaa pai gili lɛɛi ə́ hu, yɛ pənə yɛ ə́ hee ə́ wɔ tələnmolaai hu.

Zôo 11:13

Ə́ wɛi, yá pa kɛa ə́ kpɔɔ hɔlɔɓoi, yɛ́ ə yee lɛ bɔ pələ,

Zôo 27:10

A pɛli mɔ̨ɔ̨ galihva ɓoi Huwalawala Kəlee Nąmu ɓa, a pɛli mɔ̨ɔ̨ Yálá təlii a lɔwai lɔpee.»

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Tɔɔɓɛlaa veelɛ 13:4

Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.

Ɉeremi 29:12

Ka mą́ą́ hiɛ kulɔ pai kɛi, kaa pa ɓɛ, káá də́li a náá, káá vɛ́li, ɲą́ą́n ŋą́ ɲéé hee ka woo mu.