Zôo 20:5 - Yálá laawoo hɛɓɛ (dc)

⁵ nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Yálá laawoo hɛɓɛ

⁵ nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Bible

⁵ zɔnyɔ̂ŋ-ƃelai dílii-nɛ̃ɛi káa nɔ́ a tãi kpua? Tɔ̃yâ ma, diai Ɣâla kíli fa lɛ̂ɛ dí ŋái dílii-nɛ̃ɛi káa nɔ́ tãi kpua yée mu.

Zôo 20:5 Referans Kwoze

Zĩi 4:16

Kɛlaa, yiihu, ká ká kpɔɔ ɲąą kɛnɛ̨ kaa ka hunɛɛ, gbɔwɔ ɲąą kɛnɛ̨ huwui ti ɲɔ̨nwɔ̨ɔ̨i.

Galatə 6:4

Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Zôo 8:19

Yáá gaa, bələ ɓə nuąi tii di wɔ yɛnɛ̨ɛ̨ ɲąąnɛ̨ɛ̨ laa a kulɔ la. Ɓɛi di kɛ laa tɔɔni, nu takpɛliɠaa diɛ tɔɔlaa.

Zôo 5:3

Ŋą́ ɓowo mun da kaa kpɔ yɛ tɛ tɔwɔ, Kɛlaa, ɲąąɓa, ŋį́ nwɔ pɛ́lɛ́i nɛ̨ŋɛ̨n naa, gɛ́ diɛ:

Zôo 34:30

Hvo bɔ nɛ̨ŋɛ̨n ɉəɠə mun və tɔɔlaa kɛ. Hvo bɔ di hvo hɛlɛn dɛ nwɔ nuąi tɔwɔ.

Mąątɛ̨nɛ̨ 94:3

Yai-Laa, nu ɲɔ̨nwɔ̨ɔ̨ɠaai ŋɛ̨i kaa kpɔ pai lɛɛi yɛnɛ̨ɛ̨, ə lɛɛ ɉu lə yələ ə ɉəli? Nu ɲɔ̨nwɔ̨ɔ̨ɠaai kaa pai lɛɛi di ɲąąnɛ̨ɛ̨ hu, ə lɛɛ ɉu lə yələ ə ɉəli?

Samia Veerɛi 18:14

Ɉoabə yɛ mą: «Və́ bɔ və́ lamun tɔɔni ə́ lííla.» Ɉoabə ə kpala haaɓa həɠə, ə li ə gbɔn Absalɔn kəŋə hu, ə nii ɓɔ. Absalɔn ə kɛ nii nwului tii hu a vulu, ɓɛlɔwai Ɉoabə ə kɛi paa la.

Samia Veerɛi 18:15

Yili pulu, ɉilɛlɛa powi ŋɛ̨i kɛ Ɉoabə pɔ diɛ nwɔ kɔ́ kɔ́ kwɛli hɛnŋaa həɠə, di tinɛ̨n Absalɔn ɓa, di gbəli paa.

Zôo 21:28

Ka káá kɛi diɛ: «Túwɔ́ pələ ɲɔ̨n gulɔ mun nwɔ pɛ́lɛ́i wɔɔ? Bɛlɛi gɛɛ kalamun ti ə kɛ mu, gaa mi?»

Mąątɛ̨nɛ̨ 37:10

Nąą wolo aa lɛɛ tiikpə, nui hva Yálá mąąwiɛ, yɛ pili; yá bɔɔ kwɛli, hvá kɛa gaa.

Mąątɛ̨nɛ̨ 94:4

Di kaa di nwun dɛi, diɛ hvaa a tɛɠɛɓoɉulaa, mɛ̨nį ɲɔ̨n gɛ nuąi tii, di kaa di pilimoi!