Zôo 20:22 - Yálá laawoo hɛɓɛ (dc)

²² Ɓɛlɔwai kpɔlɔ gaa pai kɛi la nɛɛ hu, nąąlɔwai ɓə mąąwɛli mɛ̨nį a həli la ma, mąąwɛli nuąi kpɔ ə di mɔ̨nɔ̨ ɓo, gəlee da wiɛ ma nąąlɔwai.

Yálá laawoo hɛɓɛ

²² Ɓɛlɔwai kpɔlɔ gaa pai kɛi la nɛɛ hu, nąąlɔwai ɓə mąąwɛli mɛ̨nį a həli la ma, mąąwɛli nuąi kpɔ ə di mɔ̨nɔ̨ ɓo, gəlee da wiɛ ma nąąlɔwai.

Bible

²² A nɛ̃ɛ ma é dɔɔ-sãai kélee sɔlɔ ƃó, lii-see fé pâi kɛ̂i ǹyêei. Ŋɔmɔ̃lɛ-laai su a pâi nɔ́ kɛ̂tɛi.

Zôo 20:22 Referans Kwoze

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Zôo 18:7

Gɔwɔɠaai kɛ ɉuwalawalaa tɔlɔɔ, gəlee da pu mu, Gaa pai kalin ɉii a gbɔwɔ kiliŋąhiɛ ɲɔ̨nwɔ̨ɔ̨i ti.

Zôo 16:11

Yálá aa gwɛ́lɛ nu kpoloonŋąą diɛ, aa dɛ́ɛ́ nwąnąlɔ nuą pɔ.

Zôo 15:29

Kɛlaa, nui ti hva pɛli kɛi a hɛn gɔw nąmu, gwɛlin va tɔɔ. Naa hva kɛa tɛ nwɔ lɔi hu.

Zôo 3:17

Nu a kɛ kámą hu nwɛi, nwąnąlɔ nuą di hva kɛa mɛ̨nį ta laa ma. Naa nwɛi, nuąi di hviikpɛɛ di kaa laa hvįįtɔɔ hu.

Zôo 1:17

Yili ə lɛɛ lɔ nwɔ̨nɔ̨ nwoo hukulɔi, da kpɛli ə pa, yɛ diɛ: «Kalde nuą kpulu heei haaɓa, di wolo ə́ wɔ ɲɔ̨nwɔmɛ̨ɛ̨ɠaai diɛ, di ə́ wɔ tínuąi paa, di ɲɔ̨nwɔmɛ̨ɛ̨ɠaa həɠə; Ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Zôo 1:15

Saba nuą di pa di too di mɛ̨i di di həɠə, di ə́ wɔ tínuąi kəlee paa, ɲą́ą́ dɔ̨nɔ̨ lɔ ɓə kulɔ gɛ́ pa nwɛlɛɛ ɓoi yɛ́.»

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Zôo 5:5

Yaai tii, ɉɛn ə ɉɔlɔɓo, ə lɛɛ a nuąi pulu kaa diɛ di kɔ̨nɔ̨n! Bələi mąn ɲąąlən gala tinɛ̨n ŋąą la gwɛlin ma, nuą di ɉəɠə. Pulu koloon ma nuą di gwɛli ɉəɠə.»

Zôo 20:23

Yálá a nwɔ liiholi muhəɠə mɛ̨i nąąlɔwai, níiholi ti ɓə pai kɛi a gɔ̨nɔ̨n, gaa pai pui mɛ̨i, yɛ kɛ a gɔ̨nɔ̨n.