Zôo 2:9 - Yálá laawoo hɛɓɛ (dc)

⁹ Ɉobə nɛ̨ą yɛ mą: «Ə́ kaa lɔ pai lɛɛi ə́ wɔ túwɔ́ pələ lɛlɛi ŋɛ̨i ɓa a hvóló kəlee? Yálá nɛ̨ŋɛ̨n naa, ə́ haa tɔ́nɔ̨!»

Yálá laawoo hɛɓɛ

⁹ Ɉobə nɛ̨ą yɛ mą: «Ə́ kaa lɔ pai lɛɛi ə́ wɔ túwɔ́ pələ lɛlɛi ŋɛ̨i ɓa a hvóló kəlee? Yálá nɛ̨ŋɛ̨n naa, ə́ haa tɔ́nɔ̨!»

Bible

⁹ Nya ƃe ŋɔnɛnîi è mò ma ǹyɛɛi, “Íkaa nɔ́ niî Ɣâla pôlu a teniŋ ƃô-pere m̀ɛni sãŋ ŋí kɛ́ kɛ̀ a yá? Lé ƃé ífa ípôlu tɔ̀ɔ Ɣâla mà í sáai?”

Zôo 2:9 Referans Kwoze

Zôo 2:5

Kɛlaa, gɛ́ lɔ ə́ hvaa mą, mɛ̨nį ta ə həli gbinį ɓa a nwąnąą, yɛ həli gɔw ɓa; gu mąn doo a hea, gaa pai ə́ nɛ̨ŋɛ̨n naa ə ɲɛ̨i ɓa.»

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Malasi 3:14

Mɛ̨nįi ka kɛ moi ya ka, káá kɛ mą: «Nu kɛɛ tíi Yálá ɓa kaa lɔ a kpɛli kɛɛ. Dɔnŋąąi ə ɉee, kwaa yiliɠaa hon, ɛlɛɛ, kuɔ mąąwɛli hee ɓo, ə gɛ, Yai-Laa Mɛ̨nį Kəlee ŋą Hééɓomun, ə ɲɛ̨i lɛlɛɛ hee kuɔ. Kɛlaa, tɔlɔ lɔpee ta hvo kulɔ li ɉu, hvo həli kuɔ.

Zôo 1:11

Kɛlaa, ɉɛnŋąą tii ɲəi, hvaa lɔ mąą di kala, a tɛ̨ą kpɔ-kpɔɔ, gɛ́ diɛ: Gaa pai ə́ nɛ̨ŋɛ̨n naai ə́ ɲɛ̨i kwəleen ma.»

Tɔɔɓɛlaa veelɛ 6:33

Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Zɛnɛse 3:12

Nu yɛ Yálá ɓa: «Nɛ̨ɛ̨nu ŋɛ̨i ə́ gɛ a ɉíɛ gee pulu, ya ɓə nwului tii ma ta tɛɛ bɔ́, ɲą́ą́n, ŋį́ mį́i kɛa.»

Levetekɔ 24:11

Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Zôo 2:8

Nąąlɔwai, kwɛli ləɠi kalan mə Ɉobə ə kɛi mąą wɔlɔ la, ɉeɛ luwu hu.

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Nwun mąąɓo 14:17

Samsɔn nɛ̨ą ə wɔlɔ mą, di wɔ hɛli hvóló mɛ̨ihveelɛi tii kəlee yee mu; voló mɛ̨ihveelɛ yələ, ə mukulaa lɛ mą. Mąąhɔlɔɓo, aa kɛ kpɔlu na. Nɛ̨ɛ̨nui tii ə li ə ɉanwon mukulaa lɛ nwɔ nuą diɛ.