Zôo 19:29 - Yálá laawoo hɛɓɛ (dc)

²⁹ Kaa kpinįi ka ɲɔw ɓɔwa kwɛa ɓa, mąąhɔlɔɓo, mɛ̨nį ɲɔ̨n ɉutɔɔ hɛn ni, ə gɛ gɔlɔn kaa: kiti tee mun gaa laa.

Yálá laawoo hɛɓɛ

²⁹ Kaa kpinįi ka ɲɔw ɓɔwa kwɛa ɓa, mąąhɔlɔɓo, mɛ̨nį ɲɔ̨n ɉutɔɔ hɛn ni, ə gɛ gɔlɔn kaa: kiti tee mun gaa laa.

Bible

²⁹ Ka yao Ɣâla ŋɔmɛni ŋáteɛi ma. Kpɛ́ni-fêi Ɣâla ŋɔlii ŋwânai a pâ a mɛni ŋáteɛɛ. M̀ɛni ma kɛ́ a gɔ́lɔŋɔɔ a gɛɛ Ɣâla a mɛni ŋátèe sɔnyɔ̂ŋ-ƃela sáma.”

Zôo 19:29 Referans Kwoze

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Mąątɛ̨nɛ̨ 9:7

Yowolaa kulɔmun ɉu aa kala, aa too a yələ kəlee mɛ̨nį. Ə́ taaɠaa wolo, di laa kili aa kpɛ nuą ɲą.

Mąątɛ̨nɛ̨ 1:5

Yili ɓa, nu ɲɔ̨nwɔ̨ɔ̨ɠaa di hva di tɔɔi hɔlɔɓo, a giti tee yələ, nuąi lan bələ mɛ̨i, di hva di heei hɔlɔɓo tələnmo nuą di wɔ kpɔn hu.

Zôo 22:4

A kɛi ə́ mąąkɔ̨nwɔ̨, ɲɔw ɓə mɔ̨ɔ̨ a kɛ moi yɛ? Ka yaa ka káá mɔ̨ɔ̨ pai lii kiti ɓa?

Zôo 15:22

Hva giliŋąhiɛ yɛ kɛ gaa pai kulɔi kpinį ɲɔ̨nwɔ̨ɔ̨ yəi. Yaai ɓɔwa kwɛa kaa lɔ gwɛlii.

Zôo 20:1

Nąąlɔwai, Naama mun Sofarə ə mo, yɛ diɛ: