Zôo 19:13 - Yálá laawoo hɛɓɛ (dc)

¹³ Daa gááyɔɠoa kəlee mąą kwɛa mą́ą́, gɔ́lɔn nuą kəlee diɛ di kpɔɔ kɛ mą́ą́ a nwɛ̨ą.

Yálá laawoo hɛɓɛ

¹³ Daa gááyɔɠoa kəlee mąą kwɛa mą́ą́, gɔ́lɔn nuą kəlee diɛ di kpɔɔ kɛ mą́ą́ a nwɛ̨ą.

Bible

¹³ “Ɣâla a gɛ́ ŋánûai da díkpôlu tɔ̀ɔ ḿâ. Diai kɛ̀ a ŋgɔ́lɔŋɔɔi da nia ḿâ.

Zôo 19:13 Referans Kwoze

Mąątɛ̨nɛ̨ 88:8

Ə́ wɔ líiholii aa wiɛ mɛ̨́i, Ə́ wɔ yáhvuluun kaa kɛlɛi ɉú a vaŋą kɛnɛ̨ɛ̨.

Mąątɛ̨nɛ̨ 88:18

Yələ kəlee, mą́ą́ tinɛ̨n ŋąąi lɔ a mąąɲɔw hɛnŋaa, di kaa yɛ yáhvɛɛ, daa mą́ą́ tinɛ̨n, daa doo gee hu.

Mąątɛ̨nɛ̨ 69:8

Ə́ mąą mɛ̨nį ɓə ŋą́ nííkpələ la lalan mu, ɲɛ̨́i mąą yɛ luwu, diɛ ɓáá kulɔ mą́ą́.

Mąątɛ̨nɛ̨ 31:11

Nwɔ́ yɛnɛ̨ɛ̨ ɲąą kaa kpɛɛi liikələn gwəi hu, nwɔ́ kwɛlanŋaai diɛ kpɛɛ ɲįn-ɲąmįi hu; gɛ́ nɛ̨ŋɛ̨n mąą mɛ̨nį ɓa, hvaŋą aa kpɛɛ ɲə́i. Yɛ gɔ́wɠaa mįi ɉú pələ.

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Mąątɛ̨nɛ̨ 38:11

Níi kaa kɛlɛi gwə́i, hvaŋą aa kpɛɛ ɲə́i, ɲɛ̨́i yɛ tɛɠi mą́ą́.

Zôo 16:7

Kɛlaa a tɛ̨ą, yiihu Yálá aa hvaŋą kpɛɛ ɲə́i. Təɲą li, hɛnŋąąi kpɔ kɛ gwɛ́lɛ́, aa gəlee hukala.

Zôo 16:20

Mə́laa kaa yɛlɛ kulɔi ɉu, Kɛlaa, Yálá ɓə gáá wɔlɔi mą.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Zôo 6:15

Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Zôo 6:20

Daa nwumɛ̨ gilitɔɔmaa laai ti hu, mąąhɔlɔɓo, daa pa di hvo hɛn da kaa li laa.

Mąątɛ̨nɛ̨ 31:12

Ɲówoɠaa kəlee kaa nálan ɉii, ə mą kpɛli, kɛ ɉéé yɔwɔɠaa, ŋą́ą́ kɛ a mą́laa mąąɲɔw hɛn, da gáá lɔ kwəli pɔ, diɛ pu.

Mąątɛ̨nɛ̨ 38:12

Nwə́likɛmąą nuą, da nɛ̨́ɛ̨́yɔwɔɠaa, daa di mąąkwɛa nwóólaa woo ɓa, ŋą́ nuą daa di mąąkwɛa mą́ą́.

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.