Zôo 16:9 - Yálá laawoo hɛɓɛ (dc)

⁹ Yálá nwɔ líiɲąnwąną aa ɉón, yɛ gɔ̨nɔ̨n, vilɛn ŋąą búlu, yɛ ɲin ŋą mįi. Ɲówo yɛ ɲɛ̨i gbɔ́lun gbɔlun gulɔ mą́ą́.

Yálá laawoo hɛɓɛ

⁹ Yálá nwɔ líiɲąnwąną aa ɉón, yɛ gɔ̨nɔ̨n, vilɛn ŋąą búlu, yɛ ɲin ŋą mįi. Ɲówo yɛ ɲɛ̨i gbɔ́lun gbɔlun gulɔ mą́ą́.

Bible

⁹ “A ḿvala-fala yɛ̂ɛ fɛnɛ-sɛŋ líi ŋwánaa gɛ́ ǹyíŋ pìlaŋ gîe ma yɛ̂ɛ sɛŋ ƃé a kɛ̀ a ŋ́gbɔara-nuu, gɛ́ ŋ́gàa a lii-ŋwana-pere.

Zôo 16:9 Referans Kwoze

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Mąątɛ̨nɛ̨ 35:16

Daa mą́ą́tinɛ̨n, nu mąąluɓɛɛɠaai tii, a ɲɛlɛ kulɔɉu nuąi tii, di kaa di laa hvanąi a ɲą́ą́.

Zôo 13:24

Yá ə́ ɲɛ̨i loo mą́ą́ lə mɛ̨nį ɓa? Ɛlɛɛ, yɛ́ gáá a ə́ yowo.

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Mąątɛ̨nɛ̨ 37:12

Nui hva Yálá mąąwiɛ, a lɔgilii kɛ a tələnmomun, yɛ naa hvaną a mąą mɛ̨nį.

Zôo 19:11

Nwɔ líiholi aa muhəɠə bɔ́. Aa gáá a ɲowo.

Zôo 18:4

Ə́ kaa ə́ kpɔɔ hukalai liiholi hu. Ə́ kaa bɔ lɔi ə lɛɛ a gboloon a ə́ laa pɔɔ? Kwɛniɠaa diɛ həɠə di laai?

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Woolaa 3:10

Aa nowu dɔ́wɔ yɛ kwɛ́li yɛ Yala aa kɛi huwɔ maahɛɠi.

Mąątɛ̨nɛ̨ 50:22

Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Zôo 13:27

Yɛ́ gɔ́wɔ́ lɔ kpono hu, Yɛ́ ɉiɛ pələ kəlee mąą hɛn, Yɛ́ gɔ́wɔ́ hvilɛn ɉii tɛitɛi kəlee mąąkpɛɛ.

Zôo 30:21

Ə́ kaa ɲɛ̨́i ɓa a báá mun, Yáá ə́ hvaŋą kəlee həɠə, yɛ́ pa woloi la mą́ą́, yɛ́ ɉón a ə́ wɔ yee walawala laa kəlee.

Zôo 33:10

Kɛlaa, Yálá aa mɛ̨nįɠaa ɓo a náá, yɛ gáá yɛ ɲowo.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.