Zôo 15:31 - Yálá laawoo hɛɓɛ (dc)

³¹ Hvo gilitɔɔ kpɛli kpɛli ɓa, a kɛ ti, a gbɔwɔ ɓowo. Mąąhɔlɔɓo, vɛla kaa lɔ pai kɛi a ɓowo ɓo.

Yálá laawoo hɛɓɛ

³¹ Hvo gilitɔɔ kpɛli kpɛli ɓa, a kɛ ti, a gbɔwɔ ɓowo. Mąąhɔlɔɓo, vɛla kaa lɔ pai kɛi a ɓowo ɓo.

Bible

³¹ Vé gíli tɔ̀ɔ ŋɔtɔɔ-sãai dîa. A gɛ̀ tí, da pâi bɛlɛ̂i.

Zôo 15:31 Referans Kwoze

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Hanwon 22:8

Nui a hɛlɛn dɛ a hvįikpɛɛ, laanɔ̨nwɔ̨ ɓə a gulɔ. Nwɔ lii pɔ tee laa kɔ́lɔ a haa mą.

Zôo 12:16

Hvaŋą da nwun na nɛ̨ɛ̨, di kaa bɔɔ ŋą. Nui daa ɉəɠə pələ mɛ̨i, da nui ɉəɠə bələ mɛ̨i, di kəlee di kaa Yálá yəi.

Zôo 4:8

Ŋą́ą́ gaa, gɛ́ diɛ: nu ya hulu mɛ̨nį hin, da laanɔ̨nwɔ̨, ya ma kulɔ.

Zôo 31:5

Akɛ, kwa lɛ́ɛ́ kwaa ta pələ kpɔn, Gɔ́wɔ́ aa ta li mɛ̨nį ɲɔ̨n bɔ pələ,

Zôo 35:13

Woo ɲɔ̨n lɔ hva too Yálá wəlii, ya ɓə da mo, Huwalawala Kəlee Nąmu yaan, hva nwəli tɔɔ yili ɓa.

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Ɉeremi 37:9

Yai-Laa woo ka: Ka hvo ka kpɔɔ ɓowo, kaa kɛ diɛ; Kalde nuą liɛ kəlee li, diɛ həɠə ka pulu.