Zôo 14:5 - Yálá laawoo hɛɓɛ (dc)

⁵ Mąąhɔlɔɓo, nu nwɔ yɛnɛ̨ɛ̨ ɲɛn, naai, nwɔ yɛnɛ̨ɛ̨ ɲąnin gəlee nonon ŋąąi, ə lɛɛ nwɔ yɛnɛ̨ɛ̨ gbəlai ə ɓo mą.

Yálá laawoo hɛɓɛ

⁵ Mąąhɔlɔɓo, nu nwɔ yɛnɛ̨ɛ̨ ɲɛn, naai, nwɔ yɛnɛ̨ɛ̨ ɲąnin gəlee nonon ŋąąi, ə lɛɛ nwɔ yɛnɛ̨ɛ̨ gbəlai ə ɓo mą.

Bible

⁵ Yaâ gbɛtɛ íkili-ŋa a gɛɛ í núu-kpune ŋɔkɛ-ɣeniɛi su kpua. Ya núu-kpune ŋɔkɛ-ɣeniɛi kóyɛŋ láa a gɛɛ vé tɛ̀ɛ naa ma.

Zôo 14:5 Referans Kwoze

Mąątɛ̨nɛ̨ 39:4

Gíliɲąhiɛi ŋą́ kɛi mo mɛ̨nįi tii ɓa, níí ə kələn gwə́i, ə kɛ lɔ yɛ nwɔ̨n a ɓɛla ɉú, ya ɓə gɛ, gɛ́ kɛa hvaa.

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Zôo 21:21

Ɓɛlɔwai di wɔ lɔwai a kpɛɛ la, nonnii mąą mɛ̨nį niihɛlɛn va kɛa kɛ mą.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Danîa 5:26

Ɉɛɓɛ́ kɔ́w tii ɉukulaa ka: ‹Mene› mukulaa ɓaa: Yálá aa ə́ wɔ tɔɔlaai gwɛlan nono, gbəlai kaa mą.

Mąątɛ̨nɛ̨ 104:9

Ə́ di ɲɛ̨n naa, yɛ́ di hvo nąą mąą tɛɛ, di hva kɛa pənə di hvo lɔi lɛɛ yá mu.

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Mąątɛ̨nɛ̨ 31:15

Kɛlɛɛi Yai-Laa, gílitɔɔi yɛ́, ŋą́ kɛ diɛ: «Yɛ́ ɓə a nwɔ́ Yálá.»

Mąątɛ̨nɛ̨ 139:16

Və́ nii kɛ kɛ li a nu leelee, ə́ ɲɛ̨i ə kɛi mą́ą́. Nwɔ́ hvólóɠaa kəlee, mąą mɛ̨nį pɛ̨ɛ̨i kɛ ə́ wɔ hɛɓɛ́i hu, ɓɛlɔwai dɔ̨nɔ̨ kpɛli hvo ni kɛ kɛli la laa.

Ikilisiati 3:2

Nu kaai yələ kaa mą, nu haa yələ yɛ ɓo mą. Hihɛn ɉin ɲələ kaa mą, gulɔi yələ yɛ ɓo mą.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Zôo 16:22

Mąąhɔlɔɓo, nwɔ́ kɛ yɛnɛ̨ɛ̨ gwɛlan və tamą li, bələi vílɛn ŋąą mɛ̨i, və́ pai búlu pənəi.

Ikilisiati 8:8

Nui lɔpee ta hva pɛli ɲee kąnąn ɉi nɔ̨ɔ̨ ɓa. Nu ta hva pɛli ɉaa yələ həɠəi mą. Kɔ́ a kɛ nu mɛ̨i, ə́ pui hva kɛ mą. Nwąnąlɔ hva mɛ̨nį ɲɔ̨n gɛmun malo.