Zôo 14:10 - Yálá laawoo hɛɓɛ (dc)

¹⁰ Kɛlaa, nu kan nwɛi a haa, a lɛɛ lɔ ti, nu a haa, di hva gɛi kaa.

Yálá laawoo hɛɓɛ

¹⁰ Kɛlaa, nu kan nwɛi a haa, a lɛɛ lɔ ti, nu a haa, di hva gɛi kaa.

Bible

¹⁰ Núu-kpune a sàa ŋɔtãi a kpɛ̂ɛ. Ǹyaŋ à kɛ̀ kwa sàa, mí ƃé kwa kɛ̂ naai?

Zôo 14:10 Referans Kwoze

Zôo 19:26

Da pa kɛa gɔ́lɔ́i ŋɛ̨i mą́ą́ ɉukalai, gɔ́lɔ́ ɲąą pɛliɛ hu ɓə gáá pai ɲɛ̨́i tɔɔi la Yálá ɓa.

Zôo 14:12

bələ lɔ ɓə nu a haa la, hva pənə hvo nwun. Ə lɛɛ ɉu yələkɔlɔn ə tɛɛ la, di hvo pai di muhəɠəi. Di hvo pai pənəi di hvo nwun.

Zɛnɛse 49:33

Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Gɛlaɠaa 5:10

Ɲąąɓa, nɛ̨ɛ̨nui ti ə too Piɛrə kɔ́wɔ mu, ə haa. Ɓɛlɔwai ɉilɛlɛai di paa la, di gaa aa haa; di ɉəɠə dəli la, di noo ɉilɛ kwɛlɛ.

Maafîu 27:50

Yili pulu, Jesus ə tómą kpɔ kɛnɛ̨, nįį ə kulɔ.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Zôo 11:20

Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Zôo 10:18

Ə́ gúlɔ kɛa néé kwəi lə mɛ̨nį ɓa? Ŋą́ li pa tɛɛi ɲɛ̨ikɔw ta hva kpɛli gáá.

Zôo 3:11

Lə mɛ̨nį ɓa, néé yəi hvo kala li kɛ a ɲą́ą́-oo! Lə mɛ̨nį ɓa və́ kɛ haa li lɔ kɛ gáái lɔwai-yoo!

Kɔlɔnikɔ Maa-ŋuŋ 29:15

Gbala ə tɔɔ, ku kaa Ə́ ɲɛ̨i mu yɛ nwɛ̨ąą, yɛ tɛɛ nuą, lɔ yɛ ku nąnni kəlee di kɛ la. Ku yíi hvólóɠaai ɓɛ ku yəi yɛ̨nɛ̨ɛ̨, di kaa yɛ nįnįn, ɲali bulu hvo mą.

Zôo 3:13

Kɛlɛɛi, yɛ mą gáá kɛa laani, nwə́li pulu laɠiɛ gáma hu. Ŋą́ kɛ kɛ yii, gɛ́ ɲą́ą́nɛ̨ɛ̨n gulɔ nwɔ́ hvįįtɔɔ hu.

Zôo 13:9

A ka hukɔɔn gɛ, ə li tɛ̨ą kaa? Ka gɔlɔn kaa, di hva Yálá ɓowo, yɛ bələi da nu kan mowo la?

Zôo 14:9

Ya lɔ ɓaa ya a pu mą, mąą a ma poo, maapoo yɛ tɛ yɛ wulu ɓɔn nįnɛ̨.

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Zôo 20:7

Gaa pai kpɛɛi lɔ yɛ nwɔ hįį pulu, ɲali bulu hva kɛ mą. Nuąi kɛi gaa, diɛ kɛ diɛ: «A kɛ ti gaa kɛa mi?»

Ikilisiati 3:20

Nɔ̨ɔ̨-nɔ̨ɔ̨ hɛnŋaa kəlee ŋąąkpɛɛ pələ kaa tanɔ̨n. Nɔ̨ɔ̨-nɔ̨ɔ̨ hɛn gəlee da pənə di pu pɔlɔ hu ɓɛi di həɠə laa.

Ikilisiati 3:21

Nu ta hvo gɔlɔn, akɛ nu lonnii nɔ̨ɔ̨ a kulɔ di hu a tɛ yələi pələ, ɛlɛɛ, huwɔɠaa di wɛi yɛ yɛɛ lɔi mu pələ.