Zôo 14:1 - Yálá laawoo hɛɓɛ (dc)

¹ Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Yálá laawoo hɛɓɛ

¹ Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Bible

¹ “Ǹúui-nyii kélee nɛnî è maa sɔlɔ ƃôi, víi kpɛɛ̂i, pɔ̂ri maa fé mì. Ŋɔfúlu-laai láa fɛ̂ɛi a mɛni kpɔ̂lu, m̀ɛni ma, a sâa a maa félaa.

Zôo 14:1 Referans Kwoze

Zôo 5:7

Ee! Di nu kaa lɔ mɔ̨nɔ̨ mįi mɛ̨nį ɓa, yɛ bələi nwɔ̨n gbalən a kulɔ la mɛ̨nį kala mɛ̨nį ɓa.

Ikilisiati 2:23

Nu kan nwɔ yɛnɛ̨ɛ̨ ɲąąnɛ̨ɛ̨ hvo ɉu, kɛ mɛ̨nįɠaa kəlee da liihɛlɛn doo mą, yɛ gbaan, ə mą kɛ a kpinį ɓə, hvįitɔɔ hvo ɲəi. Yili kaa lɔ nwɔ̨nɔ̨ a kpɛli-kpɛli mɛ̨nį.

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Maafîu 11:11

Gáá tɛ̨ą ɓoi kaa, nui kpɔ nɛ̨ɛ̨nu ə gaa, da hvo kɛnɛ̨ li hvo tɛɛ Ɉaan-Batistə ɓa. Kɛlaa yaan, nui gaa a lokolo Yálá-taa tɔɔlaa hu, mąą nu kɛnɛ̨i dɛɛ mą.

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 9:25

Ɲíí hvólóɠaa kaa tɛɛi, ə tɛɛ gilɛ həɠə mun nwəlɛɛ ɓa. Daa tɛɛ, di hvo mɛ̨nį ɲąąnɛ̨ɛ̨ kaa li.

Zôo 7:6

Ɲíí hvóló aa tɛɛ a ɉu kpua, yɛ həɠə pala mįnɛ̨, yaai a tɔɔ lɔ ɓɛlɔwai ɲee a kpɛɛ la ma.

Ikilisiati 2:17

Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Zôo 10:20

Akɛ nwɔ́ yɛnɛ̨ɛ̨ hu kwɛai, ə kpɛɛ kɛa, tee kɛa mą́ą́ ŋį́ pɛli pə́lə́ tawolo kɛi tiikpə.

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Ɉeremi 20:18

Lə ɓə kɛ yaai, ŋį́ li kulɔi néé kwəi? Gɛ́ mɔ̨nɔ̨ da mɛ̨nį nwąnąą di kɔ́lɔn? Ŋą́ ɓo lɔ nwúmɛ mɛ̨nį hu, a yələ kəlee, yɛ hee ɉú?

Tɔɔɓɛlaa veelɛ 4:19

Nokoloi yɛ nąn mą: «Nwún gaa mɛ́lai! Ə kə nwún!» Nąn yɛ góló kɛ mun dɔ̨nɔ̨ ɓa: «Pa ə́ li la nee pɔ ɉa-ɉa!»

Zôo 8:9

Di gu kaa lɔ wɛi, gu hvo ni mɛ̨nį ta kɔ́lɔn, mąąhɔlɔɓo, gu wɔ yɛnɛ̨ɛ̨ kaa kpɔlɔ ni yɛ nįnįn a hiɛ lɔi ɓa.

Zôo 25:5

Yálá ɲɛ̨i ɓa, ɲąnin voló hvo ɉu, pɛmɛ̨lɛ̨n gɔwɠaa mąą hvo həɠə li.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.