Zôo 12:10 - Yálá laawoo hɛɓɛ (dc)

¹⁰ Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Yálá laawoo hɛɓɛ

¹⁰ Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Bible

¹⁰ Sɛŋ nyii kélee gáa ɣele mai ŋɔfúlu-laai káa Ɣâla yêei, vúlu-laai nyii a gɛ̀ núu kɛ́ ƃò ɣele mai.

Zôo 12:10 Referans Kwoze

Gɛlaɠaa 17:28

Hvo gaai: Yaa tii ɉu ɓə, gwa yɛnɛ̨ɛ̨ kɛ laa, guɔ gu tumun, guɔ nɔ̨ɔ̨; yɛ bələi ka wɔ mɛ̨nį kɔ́lɔn nuą taɠaa di bɛ̨ɛ̨ la, diɛ kɛ: Gu kaa a ɉuwu ta.»

Zôo 33:4

Yálá nwɔ nɔ̨ɔ̨i ə doo ɉú, ya ɓə gɛ, gɛ́ kɛ yɛnɛ̨ɛ̨.

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Zôo 27:3

Yii kpɔ gáá nii nɔ̨ɔ̨ ɉii, nɔ̨ɔ̨i Yálá ə doo ɉú, yii kpɔ gaa ni kulɔi ɉúnwɛi,

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Ikilisiati 9:1

A tɛ̨ą, mɛ̨nįɠaa tii kəlee ɓə ŋą́ nį́í lɔ ɉu, ŋį́ gaa, gɛ́ diɛ: Yálá tanɔ̨n gbən mə mɛ̨nį kəlee kaa ɲeekɔn ma, yɛ ə kɛ a nu haŋąą, yɛ ə kɛ a kilimąą mun, yɛ ə kɛ a di kɛ kólóɠaa. Mɛ̨i, ə mą kɛ di kɛ mɛ̨nįɠaa hu. Nu kanŋaa di hvo kpɛli pai wɛlikɛmąą, yowolaa da wɛlikpɛɛmąą di kɔlɔn ɉi; ə ma kpɛli kɛ tinąą mɛ̨nį.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Mąątɛ̨nɛ̨ 104:30

Ya ə́ nɔ̨ɔ̨ too di hu, di di muhəɠə, Yɛ́ yɛnɛ̨ɛ̨ ɲɛ̨ilai mąąhvalin na.

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.