Zôo 11:20 - Yálá laawoo hɛɓɛ (dc)

²⁰ Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Yálá laawoo hɛɓɛ

²⁰ Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Bible

²⁰ Ŋ̀wana-lɔ̂ɔ-ƃelai dífe pâi tarêi m̀ɛnii su gáa kɛ̂i a diai. Dífa berei kâa a gɛɛ dí pú. Ǹyaŋ kili-kɛ-zu da kpɛ́ni fé ǹúu sîi-ŋai ŋí yêei é tée saa pôlu.

Zôo 11:20 Referans Kwoze

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.

Zôo 31:16

A kɛ ŋą́ą́ ta lənə mąąwɛli nuą di wɔ hvɛli ɓo woo ɓa, Ŋą́ą́ ta kalanənŋaa lɛɛ laa di ɲɛ̨i mąą yɛ wɛli,

Zôo 17:5

Gaa yɛ nui da kɛ mąą hanwon ɉɔɔi, diɛ kɛ mą: «A mɛlaa təli kɔ̨nɔ̨n ma, nonnii diɛ wɔlɔ pulu yəi.»

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Amɔsə 2:14

Ə mą kɛ nui gɔwɔ mąą hulaa gilɛ həɠəi, hvo pai pɛlii mąą kilɛi. Nui kpɛli ɉu walawala, hva pɛli nwɔ huwalawala lɛi, ə ma kpɛli kɛ kɔ́kuláá walawala ɓə, nwun mąą hvo pai ɓoi.

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Mąątɛ̨nɛ̨ 69:3

Gáá yɛɛi palaya kpon ɉu kwɛaa hu, gúlɔ-ɉumun dakpɛli hvo laa. Gáá yɛɛi pali kpon gwɛaa hu, ɛlɛɛ, ɲá ɠiliin yɛ li a ɲą́ą́.

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Zôo 27:22

Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Zôo 18:14

Di kaa pai ɉon ɉii ɲəi bɛlɛ́n a wea laa, diɛ li la haaɓɛlaa taa tɔɔmun bɔ.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Zôo 6:9

Yálá ə gíín, ə ɲee haŋą, ə mą́ą́ mɛ̨nį pili ɉu.

Zôo 12:1

Nąąlɔwai, Ɉobə ə nwoo ŋąąpənə, yɛ diɛ:

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Hanwon 10:28

Tələnmo nuą kilitɔɔi kaa a kwəinɛ̨ɛ̨, Kɛlaa, nwąnąlɔ nuą di wɔ kilitɔɔi hva lamun.

Ɉeremi 25:35

Taatɛlɛɛ mɛ̨i kaa nuą mąąkilɛi hvo kɛa mą, taatɛlɛɛ tɔɔ nuą looi hvo kɛa mą.

Zôo 3:21

Mɔ̨nɔ̨ mįi nuąi ti, di kaa heeni diɛ haa mąą kpɔn, haa hva gɛ hvo pa; Da kɛ haa kwɛlii kpɔ kɛnɛ̨ ə tɛɛ, hɛn gɔw kwɛliɛ ɓa.

Zôo 3:22

Akɛ da di laa kámą hu, di kwəi a nɛɛ, diɛ ɓə́lə́n gulɔ.