Zôo 11:19 - Yálá laawoo hɛɓɛ (dc)

¹⁹ Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Yálá laawoo hɛɓɛ

¹⁹ Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Bible

¹⁹ Sɛŋ-da fé pâi ímaa yaôi. Núu támaa a pâi é ǹyée sée íŋɛi.

Zôo 11:19 Referans Kwoze

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Mąątɛ̨nɛ̨ 45:12

Əgɛ, ə́ wɛli ə too tɔɔmun ma, ə́ nwun nąmu li, 'kwɛli hvilɛn mą níila.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Zôo 11:18

Yá kilitɔɔi hɔlɔɓo nąąlɔwai tii hu, Yɛnɛ̨ɛ̨ ə ma kpɔlu, ya yii liilaa hu.

Mąątɛ̨nɛ̨ 4:8

Yá gwə́inɛ̨ɛ̨, a kwəinɛ̨ɛ̨ kɛnɛ̨, ə tɛɛ mɔ̨nun da lɔɔ di kɛnɛ̨ yələ nu yəi ɓa.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Hanwon 3:24

Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Azaya 17:2

Daaɠaai ɲee mu, nu hvo kɛa pai lɛɛi di hu, di kaa pai lɛɛi a taatɛlɛɛɠaa pɛlɛi, ɛlɛɛ, nu ta hvo pai kɛi di kpɛi.

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Sofoni 3:13

Israɛlə nu kpəlii a lɛɛ, di hva kɛa tuwɔ pələ ɲɔ̨n gulɔ. Di hvo kɛa pai kɛi lɛɛ hvaaɓoi, nu ɓowo woo hva kɛa kulɔ di la, Kɛlaa, di kaa pai kɛi di laa mį́į́, diɛ di hvįįtɔɔ; ɛlɛɛ, nu ta hva kɛa di mąą ɲɔw.

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Izikiɛ 34:28

Lɔiɠaa di hva kɛa too di mɛ̨i, lɔwɔ huwɔɠaa di hva kɛa di mįi; di kaa pai kɛi liilaa hu, nu ta hva kɛa di mąą kpɛlin.