Zôo 11:16 - Yálá laawoo hɛɓɛ (dc)

¹⁶ Mąąhɔlɔɓo, ə́ wɔ mɔ̨nɔ̨ɠaai naa kili hva kɛa too ə́ ŋį́. Gili a too lɔ kɛa ə́ ŋą yɛ ya a pu.

Yálá laawoo hɛɓɛ

¹⁶ Mąąhɔlɔɓo, ə́ wɔ mɔ̨nɔ̨ɠaai naa kili hva kɛa too ə́ ŋį́. Gili a too lɔ kɛa ə́ ŋą yɛ ya a pu.

Bible

¹⁶ Ya pâi nîai í mɛni kpɔ̂lui ma yɛ̂ɛ berei yá a fɛ̀ɛ, à yèŋ, nûa da nîa la m̀ɛni mai.

Zôo 11:16 Referans Kwoze

Azaya 65:16

Nui lɔpee pai kɛi bɔ lúwɔ ə kɛ mą, yɛ̨nɛ̨ɛ̨ ɓɛ, da lúwɔ kɛ mą: «Tɛ̨ą-Yálá laa hu.» Nui lɔpee pai kɛi bɔ ə gwɛla ɓɛ yɛnɛ̨ɛ̨, gaa pai gwɛlai a «Tɛ̨ą-Yálá laa.» Mąąhɔlɔɓo, di kaa pai lɛ̨ąi mɔ̨nɔ̨ tɔlɔɔɠaai diɛ, di hva kɛa kɛ ɲɛ̨́i mu.

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Hanwon 31:7

Ya ɓə a gɛ, a gbələ, ə lɛ̨ą nwɔ mąąwɛlilaa ɓa, nwɔ mɔ̨nɔ̨ kili ə kpɛɛ ŋą.

Zôo 22:11

Kpini a pɛlɛ yɛ́, hva kɛɛ kaa, Ya yɛ ə́ mɛ̨i pu.

Zôo 6:15

Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Zɛnɛse 41:51

Ɉosɛfə ə dɔlɔɔ laa hee a: «Manase.» Ɉosɛfə ə mo gwəi pələ yɛ mą: «Mɔ̨nɔ̨ɠaai ŋą́ą́ mį́i, ɛlɛɛ, həɠəi ŋą́ą́ mo nwɔ́ nuą pɔ, Yálá aa yili nąą kili kpɛɛ ŋą́.»

Zɛnɛse 9:11

Mįnɛ̨i gáá naai gwa gaa ni gu lɔwai, ya ɓaa yii, gɛ́ diɛ: Yánwąną hvo kɛa pai lɔi mɛ̨i nuą nwun na pilii.»