Zôo 11:12 - Yálá laawoo hɛɓɛ (dc)

¹² Mąąhɔlɔɓo, nu hvii a kpɛɛ kɛnɛ̨, hva tɛ̨ą kɔ́lɔn, ə lɛɛ, nu kaai lɔwai, a kɛ lɔ yɛ hoohvaalən non.

Yálá laawoo hɛɓɛ

¹² Mąąhɔlɔɓo, nu hvii a kpɛɛ kɛnɛ̨, hva tɛ̨ą kɔ́lɔn, ə lɛɛ, nu kaai lɔwai, a kɛ lɔ yɛ hoohvaalən non.

Bible

¹² Ƃoo-nuu tarêi kpanaŋɔ̂ɔi é tɛ́ɛ la lɔɔ-fɛnɛ-sɛŋ ŋáa kɔŋɔɔ ma.

Zôo 11:12 Referans Kwoze

Zĩi 2:20

Hupumun, hvo mɔ̨ɔ̨ gbaɠala kɔlɔn yɛ́ kɛ, laa na laai bɔ túwɔ́ hvo mą, gaa a kpɛli-kpɛli?

Ikilisiati 3:18

Yii hvilɛn na nu lonnii mąą mɛ̨nį ɓa, ŋą́ mo gwə́i pələ, gɛ́ mą: Yálá kaa nu lonnii hukɔɔn ɉi, əgɛ, ə nɛ diɛ, yɛ diɛ: Di hvo hviɛlaɓo li di hvo tɛɛ huwɔɠaa diɛ.

Mąątɛ̨nɛ̨ 73:22

ŋį́ kɛ lɔ hviliwɔlɔn, və́ kɛi mɛ̨nį ta kpaɠala kaa; ŋį́ kɛ lɔ yɛ taatɛlɛɛ, kɛlɛɛ vílɛn ŋąąi lɔ kɛ ə́ pulu.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Ɉeremi 2:24

yɛ dɔlɔɔ haa, yɛ ɓo lɔ lɔwɔ pɔ, yɛ ɉilɛ kwɛli a ɉunwɔ, gbɛɛ ɓə a pɛli kpəɲan ɉii nwɔ hilɛ wɛli tɔwɔ? Dɔlɔɔ hilɛɠaai da kɛ gwɛlii, di hva di kpɔɔ hviikpɛɛ, da gaa lɔ a gbɔɔi lɔwai.

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 6:5

Hoohvaalən a mɔ̨ɔ̨ tɔɔ yɛ hvaa gbənə wulu mɛ̨i? Nįŋɛ̨ a mɔ̨ɔ̨ tɔɔ yɛ vuu too naa mįi kala ɓa?

Zôo 5:13

Ya ɓə a kilimąą nuą too diɛ kpinįi di wɔ gbáná ɓaaləi ŋą, a kpəɲan yiliɠaai di wɔ liɛwoo tɔwɔ.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Mąątɛ̨nɛ̨ 39:11

Yɛ́ hvaɠai ɲɛ̨i həɠə mą́ą́, ə́ yee pɛlɛi ə́ mo mą́ą́, ŋą́ą́ too.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Ikilisiati 1:2

kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Ikilisiati 11:10

Mɛ̨nįi kpɔ a liihɛlɛn doo nu ɓa, da ɲɔw mɛ̨nįɠaa, yiliɠaa kəlee mąą kwɛa yɛ́; mąąhɔlɔɓo, nunwunulaa, da nwɔ kpakololaa, di kaa a kpɛli-kpɛli mɛ̨nį.