Zôna 4:6 - Yálá laawoo hɛɓɛ (dc)

⁶ Yai-Laa nwɔ́ Yálá ə hihɛn da ɓɔn, ə kwɛa, ə tɛɛ Ɉonasə ɓa, ə gɛ, nįnįn ə kɛ nwun mɛ̨i, ə nwɔ lii ɲɔ̨n gwəi laa tii hali kɛ. Yili ə Ɉonasə kwəinɛ̨ɛ̨ kpɔ kɛnɛ̨.

Yálá laawoo hɛɓɛ

⁶ Yai-Laa nwɔ́ Yálá ə hihɛn da ɓɔn, ə kwɛa, ə tɛɛ Ɉonasə ɓa, ə gɛ, nįnįn ə kɛ nwun mɛ̨i, ə nwɔ lii ɲɔ̨n gwəi laa tii hali kɛ. Yili ə Ɉonasə kwəinɛ̨ɛ̨ kpɔ kɛnɛ̨.

Bible

⁶ Nya ƃe Yâwɛɛ Ɣâla è kpɔlɔ-wuru kɛ̀ é kúla é tɔ́ɔ ǹɔii ma, gbɔlɔi é sâla Zôna ŋuŋ mɛi a ninîŋ a gɛɛ vóloi fé gèreŋ. Zôna líi è nɛ̃̀ɛ kpɔ́ a dámaa gbɔlɔ-wurii ŋí mɛni ma.

Zôna 4:6 Referans Kwoze

Korɛntə dɔlɔɔ 7:30

Nuąi wɔlɔi, di gɛ yɛ da wala kɛ wɔlɔi, yiiɠaai di kwəinɛ̨ɛ̨, di gɛ yɛ di kwəi a wala kɛ a nɛ̨ɛ̨, yiiɠaai hɛnŋąa yai, di gɛ yɛ hɛn da a wala kɛ di yəi.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Azaya 39:2

Nuąi tii pa mɛ̨nį ə Ezekiasə kwəinɛ̨ɛ̨ kpɔ kɛnɛ̨, nąąlɔwai, ə nwɔ walii, nwɔ hɛnii, nwɔ ləɠi yili-hɛnŋąąi, mąątí wulɔ kun nɛ̨ɛ̨ɠaai, nwɔ kɔ́ kɔ́ kwɛli hɛnŋąąi da ɲəi hɛn gɔw kəlee lɛ nuąi tii diɛ; Ezekiasə nwɔ pɛlɛ́i mu hɛnŋąą da nwɔ lɔi hu hɛn da hvo lɛɛ pulu, yii hvo nɛ nuąi tii diɛ.

Amɔsə 6:13

Lə mɛ̨nį ɓa, ka káá ka kwəinɛ̨ɛ̨i kpɛli-kpɛli mɛ̨nį hu? Kaa kɛ mą: «Kɛlɛi, ku wɔ huwalawala ɓə ku yee ə tɛɛ la Karnaimə ɓa a hvaŋą?»

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Zôna 4:5

Ɉonasə ə kulɔ Ninivə daai ə li ə tɔɔ voló həɠəi pələ, ə nɛ̨ɛ̨ mą ə kələ ta tɔɔ laa, ə lɔ ə hee mu, ə gɛ, mɛ̨nįi pai kɛi a Ninivə taa, ə nąą kaa.

Zôna 4:7

Kɛlaa, mąą yələ laa ɓoɔ, Yálá ə kolo ta tɛɛ, ə nwului tii paa, ə kpala.

Zôo 7:2

Bələi kpɔlɔ luwɔ a vii too la nįnįn mu, bələi kpɔlɔ koló kɛ mun a vɛla mąąkpɔn na,