Zôna 2:9 - Yálá laawoo hɛɓɛ (dc)

⁹ Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Yálá laawoo hɛɓɛ

⁹ Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Bible

⁹ Kɛ́lɛ ńyãai sɛɣɛ-fêi-woo káa ńai, ŋa pâi sâla kulâi mà. M̀ɛnii ŋá maa-kono-tee kɛ̀i, ŋa pâi gɛ̂i. Ŋuŋ-ma-ƃô a kûla Yâwɛɛ yêei.”

Zôna 2:9 Referans Kwoze

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Zôo 22:27

Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Samia Veerɛi 15:7

Kwɛlan nąąn gulaa ɉu, Absalɔn yɛ tɔɔmun ma: «Nɛ́ɛ́ laa, ŋą́ li Hebrɔn, nwóó ŋɛ̨i ŋą́ gwɛlɛ Yai-Laa ɓa, ŋą́ bɔ mɛ̨nį kɛ.

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 95:2

'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.