Zôna 1:9 - Yálá laawoo hɛɓɛ (dc)

⁹ Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»

Yálá laawoo hɛɓɛ

⁹ Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»

Bible

⁹ È díwoo su tòo ǹyɛɛi, “Ŋ́gaa a Ibulu-nuu. Ŋa Yâwɛɛ fɛ̀li nyii gáa a Ŋ̀âlai gáa ŋ̀elei sui, nyii yúo kpɛ̀tɛ da ǹɔii kpâlai.”

Zôna 1:9 Referans Kwoze

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Mąątɛ̨nɛ̨ 136:26

'Ka yələ kɔ́lɔn ɉu Yálá laa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Nehemi 1:4

Nwooɠaa tii mɛ̨n ŋį́ mo, ŋą hee, ŋą wɔlɔ; hvoló tamąą yee mu, ŋį́ kɛ lɔ wɔlɔ mɛ̨nį hu; ŋį́ hin nɔ, gɛ yələkɔlɔn ɉu Yálá hvɛli.

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Tɔɔɓɛlaa veelɛ 17:28

Ɉaláá laa həli nuą tii kulɔ Samari, diɛ li, dɔ̨nɔ̨ ə pənə ə pa, ə hee Betɛlə, yɛ Yai-Laa mąąwiɛ pələ lɛ nuą diɛ.

Tɔɔɓɛlaa veelɛ 17:25

Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

M̀ɛni-lɛɛi 16:11

Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

Filipə 3:5

Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Zôo 1:9

Kɛlaa, ɓilihi ə Yai-Laa woo pulu pənə, yɛ mą: «Ɉobə a ɲɔw mɔ̨ɔ̨ Yálá ɓa kpɛli-kpɛli?

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Ɛsdrasə 5:11

Nwoo ŋąąpənəi di dɛɛ ku pɔ ya: ‹Kuɔ ɓə ku kaa a yələkɔlɔn da lɔi, di pɛli Yálá nwɔ koló kɛ nuą, bɛlɛ́i ŋɛ̨i wɔlɔ kɛ ɓɛ, ya ɓə ku kaa pənəi ku dɔɔ. Tɔɔmun gɛnɛ̨ ta ə wɔlɔ kɛ a Israɛlə nuą di wɔ tɔɔmun, ya ɓə bɛlɛi tii tɔɔ ə nąą kulɔ.

Zɛnɛse 39:14

ə tómą yɛ kɛa bɛlɛ́n nuą təli, yɛ kɛ mą: «'Ka pa-oo! Ka pa-oo! 'Ka pa ka ɓɛ kaa! Hebreu hulɔnon ŋɛ̨i ɉílɛ ə paa la ɓɛ, aa kpɔlu ná, yɛ kwa yaa ku láá, kɛlaa, yii kɛa ŋį́ kɛi tomą,

Lɛɛ gbɔwɔ ɓa 1:15

Hvɛlɛlee kɛ nɛ̨ąą hveelɛ ɓə kɛ Hebreu nɛ̨ąą nwun na, diɛ ɓaa kɛ a: Sifra da Pua. Tɔɔmun yɛ diɛ:

Lɛɛ gbɔwɔ ɓa 2:13

Bulu ɓa yələ laa ɓoɔ, ə pa, ə Hebreu hveelɛ kaa, diɛ gɔ́ a di kee. Nui ŋɛ̨i tɛ̨ą hvo kɛ bɔ, yɛ yili ɓa: «Lə mɛ̨nį ɓa, ə́ kaa ə́ kaayɔwɔ kɛlɛi?»

Zɛnɛse 1:10

Yálá ə kɛɛ kpalan naa hee a lɔi, ə ɲá lee kɛnɛ̨i tii laai hee a gboloyá; Yálá ə gaa, yɛ yili lɛlɛɛi.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.