Zĩi 5:20 - Yálá laawoo hɛɓɛ (dc)

²⁰ ká gili ə pu ɉu káá, nui a pənə a nɛ̨ŋɛ̨n ɉəɠəmun vilɛn tɛ̨ą pələ mɛ̨i, a kɛ ti, aa mąą nu nwun mąąɓo, ɛlɛɛ, aa nɛ̨ŋɛ̨n gbulu tamąą waa.

Yálá laawoo hɛɓɛ

²⁰ ká gili ə pu ɉu káá, nui a pənə a nɛ̨ŋɛ̨n ɉəɠəmun vilɛn tɛ̨ą pələ mɛ̨i, a kɛ ti, aa mąą nu nwun mąąɓo, ɛlɛɛ, aa nɛ̨ŋɛ̨n gbulu tamąą waa.

Bible

²⁰ tɔɔ maa-nuui é gɔlɔŋ a gɛɛ ǹúui a sɔnyɔ̂ŋ nuu kûla ŋɔpɔara-maa-perei su é pá la pôlui, maa-nuui a zɔnyɔ̂ŋ-nuui tí ŋɔmɔ̂leŋ ƃâlo é kúla saa yêei, ǹyaŋ a pâi sɔnyɔ̂ŋ támaa mɛi pɛlɛ̂i.

Zĩi 5:20 Referans Kwoze

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Hanwon 10:12

Wɛlikpɛmąą a hvaa too, Kɛlaa, wɛlikɛmąą a nɛ̨ŋɛ̨n gəlee mɛ̨i kpulu.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Zĩi 5:19

Ną́n nonnii, ká ta a lan, a mąąkwɛa tɛ̨ą ɓa, nu ta a tɔɔ dɔwɔ ə pənə ə paa la,

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Mąątɛ̨nɛ̨ 32:1

Davidə nwɔ nu mąąkwɛli woo. Nui daa ɉɔn mąąhvaalɛɛ, nwun na nɛ̨ɛ̨i ɓə, ɛlɛɛ, diɛ nwɔ nɛ̨ŋɛ̨n lɛɛ mą a kpɛli.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Hanwon 10:2

Hɛn gɔwi nu a ɉɔlɔɓo a hvulu, hva ɓɛlɛ, Kɛlaa, tələnmolaa a nu kulɔ haa ɲəi.

Filemɔn 1:19

Ɲą́ą́ gbíní ɓə nwooɠaa ŋɛ̨i pɛ̨ɛ̨ a ɲéé, gɛ́, ŋą́ ɉɛnŋąą ti kəlee pɔɔi kulɔ ɉu. Ə mą kɛ və́ ə kili puli ɉu, ə́ gɔlɔn gbɔ yɛ nwɔ́ kwələ kaa yɛ́, mąąnɛ̨ɛ̨ ə́ gulɔ: Ya ɓaa ə́ ə́ wɔ yɛnɛ̨ɛ̨ tɛɛ bɔ́.

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

Hanwon 17:9

Nui ɓɛlannaa wɛlikaamą, a lɛ̨ą mɛlan ɉɔn ma, yá kɛi ɉɔn doo mą kɛlɛ-kɛlɛ, a mąą kwɛa yɛ́.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.