Zĩi 5:13 - Yálá laawoo hɛɓɛ (dc)

¹³ Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.

Yálá laawoo hɛɓɛ

¹³ Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.

Bible

¹³ Mɛni-soli káa-nuu káa kásama? Tɔɔ é Ɣâla fɛ̀li. Lii-nɛ̃ɛ kula-nuu káa kásama? Tɔɔ é laa-maa-tɛ-wule too.

Zĩi 5:13 Referans Kwoze

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Zôna 2:2

Ɉonasə ə lɛɛ ɉɔ̨nwɔ̨lee kwəi, ə nwɔ Yálái hvɛli, yai a Yai-Laa, yɛ mą:

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Zôna 2:7

Ŋą́ yɛɛ kpɔ ŋą́ too ɲá kɔ́w ɓa, ŋąmuątaa pɛlɛ́ laa ə kɛi kɛa kpulu mą́ą́. Kɛlaa, Yai-Laa nwɔ́ Yálá, ə gúlɔ haaɓɛlaa taa, ə gɛ́ a vúlú

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Maafîu 26:30

Yili pulu, nwələi wɔlɔ Moisə ni di kɛi doo pakə hɛli hu, di doo, di kulɔ diɛ tɛ Olivə yee ɓa.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Mąątɛ̨nɛ̨ 118:5

Ɓɛlɔwai ŋą́ kɛ la liihɛlɛn gɛnɛ̨ hu, ŋį́ Yai-Laa təli, Yai-Laa ə nwoo mu hon, ə volóon na ɓo.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Lukə 23:42

Nui tii ə tinɛ̨n ə mo Jesus ɓa, yɛ mą: «Ɓɛlɔwai ə́ kaa pai pənəi ə́ paa la yɛ́ ɓo a tɔɔmun, ə́ kili lɛɛ ɉú nąąlɔwai.»

Mise 4:5

Akɛ hį́i takpɛliɠaa da kɛ hiɛi di wɔ haliɠaai laa hu, ku wɛi kwa hiɛ Yai-Laa ku wɔ Yálái laa hu, a yələ kəlee da nwɔɔ.

Mąątɛ̨nɛ̨ 105:2

'Ka wələ too mą, 'ka hvɛli pɛlɛ gɔwɔ mu, 'ka kɛ nwɔ kpalo mɛ̨nįɠaa hu kulɔi gee mɛ̨i pɔlɔɔ-pɔlɔɔ.

Mąątɛ̨nɛ̨ 95:2

'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu.

Mąątɛ̨nɛ̨ 18:6

ɲąmuątaa yɛliɠaa daa kɛ kpinįn a ɲą́ą́, haa nwɔ hɛlɛnŋaai tɛɛ kɛ dɔ́wɔ.

Zôo 33:26

A Yálá təli, yɛ nwəli tɔɔ nwoo ɓa, a kɛ tomąi a kwəinɛ̨ɛ̨, Yálái a nu kɛ a təlimomun, ɲɛ̨i ɓa.

Kɔlɔnikɔ Maa-ŋuŋ 16:9

'Ka Naa too a wələ, 'ka mąątɛ̨nɛ̨ a hvɛli! 'Ka nwɔ kpalo mɛ̨nįɠaa kəlee hukulɔ!

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Korɛntə dɔlɔɔ 14:15

Ŋą́ gɛ pələ kɛ ləi kani? Ŋą́ Yálá hvɛli a gíli da nwɔ́ mɛ̨nį kɔlɔnŋąą, ŋą́ wələ too a gíli da nwɔ́ mɛ̨nį kɔlɔnŋąą.

Zĩi 5:10

Ną́n nonnii, Yálá kwəi mɛ̨nį hukulɔ nuąi kɛli hvaa gu Ną́mu laa hu, ká ká kɔɔn diɛ; di di liikpələ, di mɔ̨nɔ̨ mįi.