Zĩi 5:1 - Yálá laawoo hɛɓɛ (dc)

¹ Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Yálá laawoo hɛɓɛ

¹ Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Bible

¹ Kâloŋ-ŋa, ka tɔ̀ɔ. Ka wɔ́lɔ a káwoo sú kɛ́tɛ mɛni-kpɔlu-ŋai mɛni ma nyíi-ŋai pâi laai kâai.

Zĩi 5:1 Referans Kwoze

Hanwon 11:28

Nui a gilitɔɔ hɛn gɔw nąmu ɓa, a too. Kɛlaa, tələnmomun a ɓuwuɓo, yɛ yá kwɛlɛ wulu.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Zĩi 4:13

Ka ka wəli tɔɔ, kaai ka kɛ kɛi ma: «Háákələi a wala kɛ ti tinąą, ku kaa pai lii daa yiihu, ku kwɛlan dɔ̨nɔ̨ kɛ laa, ku yɔw kɛ, ku wali hɔlɔɓo.»

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Zooɛ 1:11

Tíi kɛ nuą! 'Ka ka woolaa, viɲə yɛa laa nuą! 'Ka wɔlɔ, mɔ̨nun da kpai di hu aa kala, mąąhɔlɔɓo, hihɛn da hvo ɓa li.

Zooɛ 1:5

Lɔɔ gɛlɛɠaa! 'Ka nwun, 'ka ka wɔlɔ! Kaai kpɔ a lɔɔ kpələ nuą; 'ka ka woolaa. Mąąhɔlɔɓo, daa lɔɔ nįnɛ̨ kulɔ ka laamu.

Izikiɛ 19:2

Yá kɛ ə́ lee ɓa: Gbɛɛ ɓaa a yɛ́, yala haa, yɛ́i kɛ laani yala hilɛɠaa lɔwai, ə́ lonnii tinanŋąą yɛ́, diɛ ɲįni kpələ.

Ɉeremi 4:8

Yili mąą mɛ̨nį ɓa, ka ɓíi haɠa too ka kwąną, ka mąąwɛli heeɓo; ka ka woo laa! Ka gboo təli! Mąąhɔlɔɓo, Yai-Laa nwɔ liiholi kɛnɛ̨i hvo həɠə li gu pulu.

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Azaya 15:3

Nuą daa di mąą yili a ɓíi haɠa gwəliɠaa pɔ, nu kəlee kaa nwoo laai bɛlɛ́ɠaa kwɛlɛ, da gwəli hąąiɠaa, di ɲɛ̨iyá yɛ pu wuuu.

Izikiɛ 30:2

«Hulɔnu lon, gwə́i mɛ̨nį hu kulɔ; 'kɛ diɛ, Yai-Laa ka wɔ Yálái woo ka, yɛ: 'Ka gboo təli a mɔ̨nɔ̨ yələi ti.