Bib sou entènèt

Zĩi 4:8 - Yálá laawoo hɛɓɛ (dc)

⁸ 'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Gade chapit la Kopi

Yálá laawoo hɛɓɛ

⁸ 'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Gade chapit la Kopi

Bible

⁸ Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.

Gade chapit la Kopi

tounen moute ⬆

Zĩi 4:8
44 Referans Kwoze

Mąątɛ̨nɛ̨ 145:18

Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»

Zakari 1:3

'Kɛ́ diɛ: «Yai-Laa Mɛ̨nį Kəlee ŋą Hééɓomun, woo ka: 'Ká pənə ka pa bɔ́! Yai-Laa Mɛ̨nį Kəlee ŋą Hééɓomun woo li! Ɲą́ą́n, ŋą́ pənə ŋį́ pa ka pɔ, Yai-Laa Mɛ̨nį Kəlee ŋą Hééɓomun woo li.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Hebreu 7:19

Gbala ə tɔɔ, dɔ́n və pɛli mɛ̨nį kəlee laa kulɔi; kɛlaa kilitɔɔmąą laa hviɛlaɓoɔ aa pa, yaa ɉáálai, gwa pɛli gu gu mąąlɛɠɛ Yálá ɓa.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Maafîu 12:33

«Wului nɛlɛɛ, ma lɛlɛɛi lɔ. Wului ɲɔ̨nwɔ̨ɔ̨, ma ɲɔ̨nwɔ̨ɔ̨i lɔ. Wulu kɔ́lɔn ɉɛn ɓaa a ma.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Mąątɛ̨nɛ̨ 24:4

Nui hɔn ɲɔ̨n və ɲee pɔ, nii hu mąąhəɠɛɛ, hva Yálá kɛ a kɛla lɛɛ mɛ̨nį hu, ɛlɛɛ, hva gwɛla nu ɓowo mɛ̨nį ɓa.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Mąątɛ̨nɛ̨ 18:20

Ə gúlɔ nɛ̨ŋɛ̨kpɛlɛɛ, ə lɛɛgbɔwɔ ɓa laa tɛɛ bɔ́, nwɛ́li kaa mą, mɛ̨nįi gɛ yɛ nwún mąąɓo, yaa li.

Zĩi 1:8

ɛlɛɛ, hvo laa li gɛ-mɛ̨nį lɔpee ta la, yili pulu, tɔɔ kpąą laa hvo ɲəi.

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Zɛnɛse 18:23

Abrahamə ə mąąlɛɠɛ mą, yɛ mą: «Yai-Laa! Akɛtii ə́ kaa lii tələnmo nuą da nwąnąlɔ nuą kəlee nwun na pilii a gee?

Zôo 16:17

Ya pa yaan, və́ ta mɛ̨nį nwąnąą laa li nu ta ɓa, nwɔ́ Yálá hvɛli woo kəlee haŋąą.

Maafîu 15:2

«Lə mɛ̨nį ɓa mɛ̨nįi nu pɔlɔ-pɔlɔɠaa di mo gu huwula mɛ̨nį hu, ə́ wɔ kalan nɛai di hva yili hon; mąąhɔlɔɓo, di hva di yəi waai, yɛ bələi dɔ́n nwɔ liɛwoo kaa la, di kɔ̨nɔ̨n mį́į́ lɔwai?»

Ɉeremi 4:11

Maa hvólói tii, di kaa pai kɛi nuą ŋɛ̨i da Ɉerusalɛmə diɛ: «Hvaŋą kələnŋąą kaa bələ ɓa yɛ pa nwɔ́ nuąi pɔ, yɛ həɠə nɔi pun ɉu pələ. Hvó ɓaa hvaŋą holɛɛ yii da mɔ̨nun vɛɛ la.

Zôo 9:30

Ŋą́ ma kpɔ nwáá a haa hvinɛ, Ŋą́ ɲə́i waa a kpolonwana,

Azaya 13:15

Nui lɔpee di pai gaai, da baa, nui lɔpee di kaa pai ɉon ɉii, kɔ́ kɔ́ ɓɔwa a doo.

Mąątɛ̨nɛ̨ 73:13

A tɛ̨ą, kpɛli kpɛli kpɔ ka ti ŋą́ gɛ, gɛ́ nį́i laahɔnmo mąąhəɠəlaa hu, gwə́i kwəlɛɛ gɛ́ mɛ̨nįɠaa hu.

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Samuɛlə dɔlɔɔ 14:35

Bələ ɓə Saulə ə haláá kulɔi pɛli la Yai-Laa ɓa, ɉaláá kulɔi dɔlɔɔ tɔlɔɔ ka tii yii Saulə ə bɛli Yai-Laa ɓa.

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Woolaa 3:57

Ɲələi ŋą́ ə́ təli la, ə́ pa yɛ́ mą́ą́: «'Hvó kɛ ə́ kaa ɲɔwi.»

Swiv nou:

Lyen patwone

Piblisite

Piblisite