Zĩi 4:5 - Yálá laawoo hɛɓɛ (dc)

⁵ A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Yálá laawoo hɛɓɛ

⁵ A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Nįį Yálá ə doo gu hu, a mąą tolo kulɔ?»

Bible

⁵ Kpaa máŋ gáa kákili ŋá a gɛɛ mɛnii Ŋ̀âla-kɔlɔi a mò, nyɛɛi, “Ɣâla è Mɔ̂leŋ pù kúkponôi nyíi kúwɛli ní a tólo-perei,” gáa nɔ́ kpɛ́ni-kpɛni?

Zĩi 4:5 Referans Kwoze

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Korɛntə dɔlɔɔ 6:19

A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Mąątɛ̨nɛ̨ 37:1

Davidə nwɔ wələ woo. 'Ə́ líi hvo kələn ə́ kwəi nu ɲɔ̨nwɔ̨ɔ̨ɠaa pɔ, 'Hvó tolo kulɔ a piɛn doo nuą.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Zɛnɛse 30:1

Ɓɛlɔwai kɛa Rasɛlə ə gaa la yɛ hva pɛli lon ɉɔlɔɓoi, yɛ kɛa tóló kulɔ a niɛ, yɛ ɉilɛ Ɉakɔbə ɓa: «Lón dɛɛ bɔ́ ɲą́ą́ gbɛli, a wala kɛ tii, gáá haai.»

Zɛnɛse 26:14

Ɓɛlaa kpulu kɛnɛ̨ ə kɛ ɲəi, da ɓolu kpulu, ə mą kɛ da nįŋɛ̨ kpulu kɛnɛ̨, bɛlɛɛ luwɔɠaa diɛ. Filisti nuą di kɛi kɛa tolo kulɔ a Isaakə.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Gɛlaɠaa 7:9

«Gu kalaɓɔlɔni ti gu di kɔ́lɔn a nɛlɛɛ, di tolo hee di ləɠə Ɉosɛfə ɓa, di nɔwɔtɔɔ, nui Ɉosɛfə ya, ə ɉəɠə ə li la Eziptə lɔi hu yɛ ɓo laa di yəi luwɔlaa laa hu. Kɛlaa, Yálá ə kɛ bɔ.

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Hanwon 21:10

Nwąnąlɔmun gwəi kili kəlee hvilɛn ŋąą lɔ mɛ̨nį ɲɔ̨n ma, ə mą kɛ mɛlanmun mə, hva mąą hvaalɛɛ.

Mąątɛ̨nɛ̨ 106:16

Di kɛɛ bələ pɔ, di tolo kulɔ a Moisə da Aarɔn, a nui tii Yai-Laa ə ɉəɠə ɉu, ə gɛ a nwɔɔi.

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Lomaŋ 9:17

Bələ ɓə Ɉɛɓɛ́ ə mo la Eziptə tɔɔmun ma, yɛ mą: «Ŋą́ ə́ kɛ a tɔɔmun, ə gɛ, ŋą́ nwɔ́ huwalawalaa lɛ ə́ yee hu, lɔi mɛ̨i nuą kəlee di náá kɔ́lɔn.»

Azaya 11:13

Ɛfraimə nwɔ toloi kɔ́lɔ a haa mą, Ɛfraimə hva kɛa tolo kulɔ a Ɉuda, Ɉuda ɲowo mɛ̨nį hva kɛa ɓo, Ɉuda hva kɛa yowolaa hee Ɛfraimə ɓa.

Ɉaan 19:37

Yálá laawoo hɛɓɛ́ nąą takpɛli kaa laa, yɛ kɛ diɛ: «Nui ŋɛ̨i ka ɉɔɔ bɛlɛi a kpala, ka káá pai pənəi ka gaa.»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Zɛnɛse 38:9

Kɛlaa, Onan kili ə kɛ ɉu yɛ, da nɛ̨ɛ̨nui tii da lon gaa, naa hva lɛɛ mą, yili ɓə gɛ, da laa, hva kɛ bɔ nɛ̨ɛ̨nu hvo koo həɠə, ə kɛi ɲá pu nɔi ɓa.