Zĩi 3:6 - Yálá laawoo hɛɓɛ (dc)

⁶ Nu nɛn yaa kpɛlimąn, gaa yɛ nwɔ̨n, a yɛnɛ̨ɛ̨ mɛ̨nį ɲɔ̨n. Nu nɛn gaa nu tɔɔ-tɔɔɠaa lɔwai, a pɛli ə kɔ́lɔ nąą kəlee mąąliɓi, ya lɔ ɓə a yɛnɛ̨ɛ̨ kələn nu kɔ́wɔ mu yɛ ɉahanąmą.

Yálá laawoo hɛɓɛ

⁶ Nu nɛn yaa kpɛlimąn, gaa yɛ nwɔ̨n, a yɛnɛ̨ɛ̨ mɛ̨nį ɲɔ̨n. Nu nɛn gaa nu tɔɔ-tɔɔɠaa lɔwai, a pɛli ə kɔ́lɔ nąą kəlee mąąliɓi, ya lɔ ɓə a yɛnɛ̨ɛ̨ kələn nu kɔ́wɔ mu yɛ ɉahanąmą.

Bible

⁶ Ǹyaŋ núu nɛ́ŋ káa nɔ́ yɛ̂ɛ ŋɔŋ. Núu nɛ́ŋ káa a ŋwana-lɔ̂ɔ-ɣeniɛ kúkponôi woŋo-ŋai sama, gɛ kúkpono kélee kara, gɛ ŋɔŋ too ŋele-ma-saai kélee ma. Ǹyaŋ Dɛ̂ƃele-taa a ŋɔŋ tôo mà.

Zĩi 3:6 Referans Kwoze

Hanwon 16:27

Nu kpoloon a gbɔwɔ too palə tee, nɛn gələn ŋąą na yɛ nwɔ̨n.

Markə 7:15

Hɛn nɔpee nu a dɛ na, yili hva gɔhɔɓo. Kɛlaa, yii a kulɔ nu la, ya ɓə a nu kɔ́hɔɓo.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Lukə 16:24

Nąąlɔwai tii, ə nwoo tɛ kpɔ hɔ̨́ɔ́, yɛ mą: ‹Ną́n Abrahamə! Ɲɛ̨́i mąąwɛli kaa, Lazarə tɔɔ ə ɲee kpiɛ lɔ yalaɠi hu, ə vilɛn nɛ̨́n ŋą. Mąąhɔlɔɓo, gáá mɔ̨nɔ̨ mį́i kpɔ kɛnɛ̨ nwɔ̨n ŋɛ̨i hu ɓɛ.›

Hanwon 6:19

lɛɛ kɛla hvaa ɓomun, nui a hvaa too leegaaɠaa lɔwai.

Mąątɛ̨nɛ̨ 140:3

A nuąi tii da mɛ̨nį ɲɔ̨n mąą kili tee di kwəi, diɛ kɔ́ tee a yələ kəlee;

Mąątɛ̨nɛ̨ 64:3

Nóó ɲɛ̨nikɛ-nuąi da ɲabalɔ mą́ą́, diɛ, Mą́ą́ kwɛa mɛ̨nį ɲɔ̨n gɛ nuąi di nwun dɔɔi, diɛ.

Zɔ̂ŋ Zaaƃai 1:10

Yaan, ŋą́ pa pai, yaa tii woo ɲɔ̨n moi a ku laai, ŋą́ gɛmɛ̨nįɠaa too pono ɲą, ɛlɛɛ, yili hvo kpɛli nii hon ni, hva ɲee hee di mu, ɛlɛɛ, nuąi da kɛ di di yee hee di mu, ə kpɛ̨ąn ɉu, ɛlɛɛ, yɛ di kpɛ gbɔn ɉu.

Zĩi 2:7

Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Maafîu 12:24

Yii kɛa Farisiɛ̨ɠaa di yili mɛ̨n, di mo diɛ kɛ diɛ: «Nui ŋɛ̨i hvo kpɛli-kpɛli, ɲį́nɛ̨nŋąą nwun nąmu Beɛlzebulə háálai ɓə gaa ɲį́nɛ̨nŋąą kpɛi la.»

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Samia Veerɛi 19:43

Ɉuda nuą kəlee di Israɛlə nuą kəlee woo pulu pənə diɛ mą: «Mąąhɔlɔɓo, tɔɔmun gaa a ku kpįnį ɓa mun, yili a nwąną kaa lə mɛ̨nį ɓa? Akɛtii, tɔɔmun ɲəi hɛn da ɓə ku mįi? Awala kɛ tii, mɛ̨nį ta ɓə ə gɛ kuɔ?»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Gɛlaɠaa 20:30

Ə mą kɛ ka lɔwai, nu taɠaa kaa pai kɛi lɛɛ kɛi, ə gɛ di laa na nuą nwun dinɛn, di di hvilɛn di pulu.

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Lonon mo 31:16

Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Kɔlɔnikɔ Veerɛi 13:17

Abiya da nwɔ nuąi di yee ə tɛɛ diɛ kpɔ tɛ̨ɛ̨tɛ̨ɛ̨, di nu waa nwun nɔɔli paa Israɛlə nuą lɔwai.

Samia Veerɛi 16:20

Absalɔn yɛ Ahitofɛlə ɓa: «'Ka ká nwun dɔɔ, mɛ̨nįi gu pai gɛi ma.»

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Levetekɔ 24:11

Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Hanwon 7:5

Ə gɛ di ə́ mɛ̨i kaa wɛlikɛ nɛ̨ɛ̨nu tɔwɔ, da nu takpɛli nɛ̨ą laa nɛ̨ɛ̨ nwun ma.

Azaya 50:11

Kɛlaa, kaa kpɔ ɲɛ̨i nwɔ̨n doo, ka ɓo gwɛlɛ, kaa ɲąą tɛɛ. 'Ka li, ka wɔ nwɔ̨n gbɔlu yɛhɛ yɛhɛi tii hu, gwɛi kpuoɠaai ka ɉee gee ɓa, 'ka li di hɛ̨ąi. Ɲéé ɓə pai mɛ̨nįi tii laai kaa: Ka káá pai haai mɔ̨nɔ̨ hu!

Zĩi 3:7

Nu kan ɲee a pɛli huwɔ lɔpee gəlee ɓa, ə golohoɓo, ə kɛ a nwɛ̨nį, ə mą kɛ, a tala huwɔ, ə kɛ, a yái-huwɔ lɔpee.